SARDU
Comunu de Seddori: Librus, costruidoris de paxi e solidariedadi: est custu s’argumentu de sa de VI editzioni de Seddori Ligit in programma de s’ùrtima cida de maju a su 24 de làmpadas 2022. Ocannu mudat sa fòrmula: tres diis de sighida cun duus scritoris a merì in sa pratza aintru de su Casteddu. Su calendàriu literàriu est arricu de scritoris natzionalis e regionalis chi ant bèndiu librus medas. S’òspiti prus disigiau est Gad Lerner, giornalista, scritori, autori e presentadori de talk show de stentamentu e dibata politica e culturali. At scritu librus e scritus medas chi funt arribaus primus me is classìficas internatzionalis. Sàbudu su 28 de maju at a chistionai de su scritu suu “Noi partigiani” chi arragollit is boxis de is òminis e de is fèminas giòvunus chi ant fatu parti de is partigianus in sa Sigunda Gherra Mondiali. Po totus su traguardu de sa gherra fiat: giustìtzia, libertadi, paridadi. <In d-unu momentu stòricu aici difitzili is librus cumenti a cussus de Lerner si donant sa possibilidadi de pensai a is idealis de is giòvunus e de rifleti asuba is cosas trotas de sa gherra, de innoi s’ìdea de custa editzioni de Seddori Ligit “Librus costruidoris de paxi e solidariedadi” – si acrarat su sìndigu Alberto Urpi candu presentat sa de VI editzioni de sa Manifestatzioni – Cun cuntentesa meda puru ocannu seus arrannescius a organizai in Seddori unu festival importanti e a tenni 8 scritoris de importu mannu chi ant a chistionai de sa paxi>.
Su calendàriu de is atòbius:
Cenàbara su 27 de maju – in su Casteddu de Seddori
– a is ses e unu cuartu de a merì ( 18.15) Valentina Cebeni cun “Una nuova vita – La saga dei Fontamara”; presentat Francesca Spanu
– a is seti e mesu (19.30) Pietrangelo Buttafuoco cun “Sono cose che passano”; chistionant Antonello Picci e Antonio Iannizzotto
Sàbudu su 28 de maju 2022 – in su Casteddu de Seddori
– a is ses e unu cuartu de a merì (18.15) Cristina Caboni cun “La ragazza dei colori”; presentat Michele Pipia
– a is seti e mesu (19.30) Gad Lerner cun “Noi Partigiani”, presentat Michele Pipia
Domìnigu su 29 de maju – in su Casteddu de Seddori
- a is ses e unu cuartu de a merì (18.15) Paolo Roversi cun “L’eleganza del Killer”, presentat Francesca Spanu
- a is seti e mesu (19.30) Francesco Abate cun “Il complotto del Calafati” presentat Arianna Concu
Cenàbara su 24 de làmpadas – in su Casteddu de Seddori
- a is ses e unu cuartu de a merì (18.15) Maria Francesca Chiappe cun “Non è lei” presentat Francesca Spanu
- a is seti e mesu (19.30) Giovanni Follesa cun “We are family”; presentat Michele Pipia