SARDU
Comunu de Lòcula: Nascit sa bidea, prumóvia de s'Amministratzioni Comunali,po médiu de sa partitzipatzioni de is insenniantis Maria Grazia Secci (sciéntzias) e Rosanna Massidda (educatzioni motória), de fai unu labboratóriu chi interessat a is tzitadinus de Lòcula, sa Biblioteca Comunali e sa domu museu "Sa domo de Sas Artes e de sos mestieris" chi punnat a recuperai su patrimóniu culturali e ambientali, intzentrau pruschetotu asuba de s'importàntzia de sa modditzi e de is derivaus cosa sua, partendi de su stúdiu de is oríginis cosa sua po sighiri cun is operatzionis prus pràtigas chi pertocant s'arregorta, sa traformatzioni e sa bogadura de s'ollestincu.
Su labboratóriu atóbiat puru s'agraddessimentu de su professori universitàriu Ignazio Camarda e de su documentarista Domenico Ruiu chi ant espressau sa boluntadi de partitzipai e de ponni a dispositzioni is connoscéntzias cosa insoru a favori de su territóriu de Lòcula e pruschetotu de su padenti de modditzi in Preda Longa/Su Passiu.