SARDU

Comunu de Nuràminis: Si fait sciri a is tzitadinus ca est possíbbili a presentai is domandas po partetzipai a is labboratórius creativus po is pipius chi andant a sa scola materna e a sa scola primària.
 S’initziativa tenit sa tenta de apariciai atividadis labboratorialis a tema de Paschixedda chi s’ant a fai in 9 mengianus a cumintzai de su 23 de Meseidas e ant a sighiri a innantis fintzas a sa dii de sa Pasca de is Tres Urreis. Is labboratórius s’ant a fai de is 8.30 a mesudii e mesu in is aposentus de su Monti Granàticu.

Podint partetzipai:

• is pipius residentis in su Comunu de Nuràminis chi frecuentant sa scola materna o sa scola primària;
• is pipius fillus de genti chi trabballat in su territóriu de su Comunu de Nuràminis chi frecuentant sa scola materna o sa scola primària;
• is pipius chi no funt residentis scéti chi frecuentant sa scola materna o sa scola primària in Nuràminis (paghendi sa cuota intrea).

Si depit pagai una cuota de partecipatzioni a is atividadis chi no at a essi de prus de 70€ e chi agoa s’at a definiri a segunda de su númeru de is pipius assentaus.
 Sa manifestatzioni de interessu si depit presentai aintru e no prus a tradu de su 28 de Meseladàmini 2022 a s’Ufìtziu Protocollu in is oràrius chi est abertu a su púbblicu o desinunca cun una e-mail a s’indiritzu protocollo.nuraminis@legalmail.it cun scritu in s’ogetu “Manifestatzioni de interessu – Labboratórius de Paschixedda”. Po sciri atras informatzionis si podit domandai a s’Ufìtziu Servítzius Sotzialis a sa Dotora Monica Frau.
 Su bandu cun is recuisius e is mollus s’agatant in alliongiau a sa nova in su giassu istitutzionali de su Comunu de Nuràminis o in sa portineria de su Comunu etotu.