SARDU
Comunu de Nuràminis: Si fait sciri a is tzitadinus ca est possíbbili a presentai is domandas po partetzipai, a sa tenta de dda organizai innantis, a una bessida in tempus de Paschixedda po piciocheddus chi frecuentant sa scola segundària de I gradu e su primu annu de sa scola segundària de II gradu.
S’initziativa prevedit de organizai una bessida de si fai in una dii scéti in una localidadi de Brabaxa o in Fonne.
Podint partetzipai a s’initziativa:
- is piciocheddus residentis in su Comunu de Nuràminis chi frecuentant sa scola segundària de I gradu (scola média) e su primu annu de sa scola segundària de II gradu (scola superiori);
- is piciocheddus fillus de genti chi trabballat in su territóriu de su Comunu de Nuràminis chi frecuentant sa scola segundària de I gradu (scola média) e su primu annu de sa scola segundària de II gradu (scola superiori)
- is piciocheddus no residentis, chi frecuentant sa scola segundària de I gradu in Nuràminis e scéti chi abarrant postus (paghendi sa cuota intrea).
S’initziativa prevedit de organizai una bessida de una dii scéti in tempus de vacantzas de Paschixedda, partendi in Pullman GT e torrendi a Nuràminis a merii. Sa cuota interessat is servítzius innoi assegus:
- pràngiu a restoranti;
- bessida e/o abbísita ghiada. Sa Localidadi iat a podi essi: Comunu de Fonne/Brabaxa.
Si depit pagai una cuota de partecipatzioni a s’initziativa chi agoa at a comunicai s’Ufítziu de cumpeténtzia. Is piciocheddus no residentis, chi abarrant postus líbberus, ant a depi pagai su costu intreu de sa dii.
Sa manifestatzioni de interessu si depit presentai aintru e no prus a tradu de su 28 de Meseladàmini 2022 a s’Ufìtziu Protocollu in is oràrius chi est abertu a su púbblicu o desinunca cun una e-mail a s’indiritzu protocollo.nuraminis@legalmail.it cun scritu in s’ogetu “Manifestatzioni de interessu – Bessida de Paschixedda”. Po sciri atras informatzionis si podit domandai a s’Ufìtziu Servítzius Sotzialis a sa Dotora Monica Frau.
Su bandu cun is recuisius e is mollus s’agatant in alliongiau a sa nova in su giassu istitutzionali de su Comunu de Nuràminis o in sa portineria de su Comunu etotu.