SARDU

Comunu de Nuràminis: Martis su 26 de Meseargiolas a is 8 de a merii (20:00) s’at a incingiai su Campu de Padel nou aintru de su cumplessu sportivu de Bia Satta in Nuràminis. Un’impiantu nou po unu sport nou a su passu cun is tempus de oi.  

A fai de guarnissa a cust’acontéssiu nci at a èssiri su "NURAMINIS PADEL WEEKS", una manifestatzioni, in collabboratzioni cun sa sotziedadi sportiva “Nora Nuraminis”, chi at a permiti a totus is tzitadinus interessaus de provai custu sport nou, dónnia merii de su 26 de Meseargiolas a su 05 de Austu de is 8 e mesu de a merii (20.30). Is lobas podint èssiri amesturadas puru e dónnia scuadra podit prenotai su campu po una partida chi durat 45 minutus, de is 8 e mesu a is 11 e mesu de noti (20:30-23:30).

Po totu su tempus chi at a durai s’acontéssiu ddoi at a èssiri unu logu de recreu.

Atras informatzionis si podint agatai in sa locandina alliongiada.
 

Totu sa tzitadinàntzia est cumbidada a partetzipai a sa segada de su nastru e a sa manifestatzioni sportiva.