SARDU
Comunu de Seddori: Fonti: "La Gazzetta del Medio Campidano": Sa domu de Mario Piras s’agatat in d-unu utureddu piticu in su tzentru de Seddori, cuada tra is atras domus de su bixinau. In beridadi si castiaus mellus, tenit cuau aintru unu cussòrgiu artìsticu. Sa passioni po s’arti de Mario Piras, pensionau de 74 anni, nascit medas annus fait, candu, passillendi in su sartu e bit is perdas in terra, immaginàt de ddas podi utilizai po costruiri calincuna cosa. Iat inghitzau aici cun perda e ciumentu po aprontai domus, crèsias e monumentus in miniatura realizendi diaderus òperas d’arti. «Apu fatu traballus medas in sa vida mia, seu stètiu paneteri, maistu de muru… dònnia traballu m’at donau calincuna cosa e deu ndi apu fatu tesoru», arregordat Mario Piras: «Candu andu a passillai in su sartu circu is perdas, studiu unu progetu, aprontu su ciumentu, donu atentzioni a is tonalidadis e a is dimensionis giustas de is perdas sigundu su colori e su manniori de sa ricostrutzioni chi bollu fai e aici inghitzu s’aprontadura: su prexu prus mannu est pròpiu me is cosas piticas». Tra is ricostrutzionis printzipalis ddoi funt sa crèsia de Santu Martinu e sa crèsia de Santu Larentzu, una crèsia chi assimbillat a Notre-Dame de Paris e sa ricostrutzioni de su Casteddu de Seddori, realizada 25 annus fait e ca at fatu traballai a Piras po cuatru annus. In su giardinu suu ddoi funt puru mosàicus medas chi serbint po contai sa vida sua, tzelebrai sa stòria de sa Sardigna e torrai gràtzias a pitoris cumenti a Leonardo Da Vinci, Caravaggio, Van Gogh, Modigliani, Tiziano e Raffaello fadendi sa riprodusidura de is òperas d’arti. «Nci bolit fantasia meda, su spiritu e sa gana de nai “ci depu arrennesci”: nci apa a ponni, unu, duus, tres annus, ma a s’acabbu depu binci deu. Est una passioni manna, est sa gana de no essi bintu poita perdit chi no sighit is passionis suas», si acrarat su signor Piras: «Unu de is primus mosàicus chi apu fatu est sa riprodutzioni de sa Gioconda de Leonardo. In su 2009 fia in s’ospidali poita tenia problemas de saludi e in d-unu giornali ia lìgiu sa stòria de sa fura de cust’òpera: prus dda castiaa e prus ndi abarraa incantau aici apu inghitzau a studiai sa immagini cosa sua e apustis de unu annu seu arrennesciu a dda realizai!». Una stòria de passioni, de determinatzioni e de bìncida chi agatat sa fini in d-unu bisu in su cadàsciu: «Su bisu miu? Biri su Casteddu miu de Seddori in miniatura espostu in d-unu museu. Custa iat a essi sa cuntentesa mia prus manna», si narat Mario Piras.
ITALIANO Comune di Sanluri: Fonte: "La Gazzetta del Medio Campidano":Sa domu de Mario Piras s’agatat in d-unu utureddu piticu in su tzentru de Seddori, cuada tra is atras domus de su bixinau. In beridadi si castiaus mellus, tenit cuau aintru unu cussòrgiu artìsticu. Sa passioni po s’arti de Mario Piras, pensionau de 74 anni, nascit medas annus fait, candu, passillendi in su sartu e bit is perdas in terra, immaginàt de ddas podi utilizai po costruiri calincuna cosa. Iat inghitzau aici cun perda e ciumentu po aprontai domus, crèsias e monumentus in miniatura realizendi diaderus òperas d’arti. «Apu fatu traballus medas in sa vida mia, seu stètiu paneteri, maistu de muru… dònnia traballu m’at donau calincuna cosa e deu ndi apu fatu tesoru», arregordat Mario Piras: «Candu andu a passillai in su sartu circu is perdas, studiu unu progetu, aprontu su ciumentu, donu atentzioni a is tonalidadis e a is dimensionis giustas de is perdas sigundu su colori e su manniori de sa ricostrutzioni chi bollu fai e aici inghitzu s’aprontadura: su prexu prus mannu est pròpiu me is cosas piticas». Tra is ricostrutzionis printzipalis ddoi funt sa crèsia de Santu Martinu e sa crèsia de Santu Larentzu, una crèsia chi assimbillat a Notre-Dame de Paris e sa ricostrutzioni de su Casteddu de Seddori, realizada 25 annus fait e ca at fatu traballai a Piras po cuatru annus. In su giardinu suu ddoi funt puru mosàicus medas chi serbint po contai sa vida sua, tzelebrai sa stòria de sa Sardigna e torrai gràtzias a pitoris cumenti a Leonardo Da Vinci, Caravaggio, Van Gogh, Modigliani, Tiziano e Raffaello fadendi sa riprodusidura de is òperas d’arti. «Nci bolit fantasia meda, su spiritu e sa gana de nai “ci depu arrennesci”: nci apa a ponni, unu, duus, tres annus, ma a s’acabbu depu binci deu. Est una passioni manna, est sa gana de no essi bintu poita perdit chi no sighit is passionis suas», si acrarat su signor Piras: «Unu de is primus mosàicus chi apu fatu est sa riprodutzioni de sa Gioconda de Leonardo. In su 2009 fia in s’ospidali poita tenia problemas de saludi e in d-unu giornali ia lìgiu sa stòria de sa fura de cust’òpera: prus dda castiaa e prus ndi abarraa incantau aici apu inghitzau a studiai sa immagini cosa sua e apustis de unu annu seu arrennesciu a dda realizai!». Una stòria de passioni, de determinatzioni e de bìncida chi agatat sa fini in d-unu bisu in su cadàsciu: «Su bisu miu? Biri su Casteddu miu de Seddori in miniatura espostu in d-unu museu. Custa iat a essi sa cuntentesa mia prus manna», si narat Mario Piras. {/tabs
