SARDU

Comunu de Serrenti: Sa “Merenda nell’Oliveta” de Serrenti si fait domínigu su 21 de Maju de is 5 de a merii (17.00) in su C-Park in Bia Giovanni XXIII. In su tempus chi si fait su smurzu s’autori casteddaju Giulio Neri at a presentai su romanzu nou suu “Repertorio per mano sinistra”. S’at a fai fintzas una ciaciarrada literària “Unu cambixeddu de mata de olia, chi portàt in su bicu una columba, iat fatu sciri a Noè ca su dellúviu fiat spaciau” e candu spàciat sa ciaciarrada s’at a arregalai a is partetzipantis unu gadget donau de s’Assótziu Natzionali Citadi de s’Ollu.

S’acontéssiu est a incuru de Tesauro sotziedadi cooperativa sotziali e ddu promovit su Comunu de Serrenti – Assessorau a s’Agricoltura, Biblioteca comunali e Sistema Bibliotecàriu Joyce Lussu cun sa partetzipatzioni de su grupu literàriu “Il sentiero dei libri”.