SARDU

Comunu de Seddori: Seddori partetzipat a sa de XXIII editzioni de Monumentus Abertus. Sa data scerada est domìnigu su 21 de maju candu s’ant a podi visitai, a indonu, is monumentus printzipalis de sa bidda. Sa prima nova de s’editzioni 2023 est sa possibilidadi de visitai su Casteddu (cun is esponiduras suas)  e sa Domu de su Pani. In prus, sempri a indonu, s’ant a podi visitai puru su Museu stòricu Etnogràficu de is Paras Cappuccini e s’Archìviu stòricu comunali. Podeis intrai in d-unu rifùgiu antiaereu beru de sa Sigunda Gherra Mondiali (abertu sceti po custa manifestazioni) e ddoi at a essi una collaboratzioni de importu cun su dipartimentu de Lìteras, lìnguas e benis culturalis de s’Universidadi de Casteddu chi at a inghitzai pròpiu domìnigu. Is studentis de s’Univeridadi ant a proponni su “Trentapiedi dei monumenti”. Cun partèntzia de su Casteddu a dònnia ora  “cuindixi passegerus”  cun sa ghia de unu cabutrenu ant a fai unu tretu de sa bidda po connosci is monumentus. Unu tour turìsticu originali innoi is partetzipantis ant a depi sighiri una funi colori de aràngiu chi at a passai intra is monumentus, is situs archeològicus e is crèsias. <Pigai parti a  Monumentus Abertus  – si acrarat su sìndigu Alberto Urpi – signìficat po nosu contai cun orgogliu s’eredidadi de su passau nostu. No ddoi at benidori chena de passau, connosci sa stòria nosta, is arrèxinis nostas, is logus, is monumentus, is traditzionis bolit nai a tenni sa cuscèntzia de connosci s’identidadi nosta. Ocannu sa manifestatzioni est ancoras prus arrica poita, in prus de visitai totus is monumentus a indonu, eus aprontau puru unus cantu de initziativas de fai impari>. Is studiantis de is scolas de Seddori e calincunu assòtziu ant a fai de ghia a is visitadoris. Ddoi ant a essi puru mustras, atòbius e esponiduras de prodotus chi pertocant su territòriu. Intra is manifestatzionis eis a podi ascurtai su cuncertu po contu de is alunnus de s’Istitutu Cumprensivu in pratza Santu Pedru domìnigu a is cuatru de merì e eis a podi fai sa passillada in su sartu po bisitai sa cresiedda de “Sant’Antiogu Bèciu” organizada de su comitau omònimu.

Is scolas chi ant partetzipau funt:
– S’Istitutu Cumprensivu Seddori (Infàntzia, Primària e Sigundària de Primu gradu)
– Sa scola materna San Raimondo
– S’Istitutu Paritàriu Calasanzio
– S’Istitutu Superiori Vignarelli

Oràrius de abertura e de is bìsitas:
– a mengianu de is noi oras a sa una (9.00-13.00)
– a merì de is cuatru a is otu (16.00-18.00)

Is monumentus chi si podint visitai a indonu funt:
Su Casteddu Medievali cun is esponiduras suas;
Su rifùgiu antiaereu de sa II Gherra Mondiali;

Sa Domu de su Pani e de sa traditzioni de is massajus;
Su Museu stòricu etnogràficu de is Paras Cappuccini
S’Archìviu stòricu comunali
Sa Crèsia de Santu Larentzu
Su Cunventu de Santu Franciscu (Cappuccini)
Sa Crèsia de Santu Rocco
Sa Crèsia de Santu Matì
Sa Crèsia de Santu Pedru
Sa Crèsia de Sant’Anna (esternus)
Sa Crèsia de sartu de Sant’Antiogu Bèciu
Sa Crèsia de Santu Bastianu
Sa Parròchia Nosta Sennora de is Gràtzias (pratza e esternus)

Sa Pratza VII austu 1881
Sa Genna de su Casteddu
Su Montegranàticu (esternus)