SARDU
Comunu de Gùspini: Gióbia su 7 de Abrili a is 5 mancu cuartu (16:45), in sa biblioteca Comunali "Sergio Atzeni" s’at a fai su labboratóriu po pipius
"Natura - Officina Timbri".
Su labboratóriu
“A foras de sa biddixedda nosta ddoi funt atras cosas, ddi nant Naturalesa”, a totus ddis praxit a chistionai de Naturalesa, a sa Naturalesa ddis boleus beni, ma candu est chistioni de dda preservai, de dda curai, de dd’amparai cust’amori sparessit. Imbussaus cun s’alfaltu su chi est a giru de nosu, ndi segaus is matas chentza de critériu, feus unu muntoni de àliga. Emma AdBåge, autora e illustradora de s’albu“La Natura”, narat: “A sa Naturalesa no ddi praxit nudda in particolari, issa si nd’abarrat ingunis cumenti a sempri a cresci e pispisai e sfrigongiai e strichiddai, a sulai, a callentai, a cilixiai”.
Un’albu de atualidadi chi s’arregodat una borta ancora sa necessidadi ca tocat a cambiai su paradigma, ca est importanti s’educatzioni ambientali fata a is gióvunus, a cumentzai de candu funt piticheddeddus ca agoa ant èssiri is mannus de cras. Su labboratóriu nascit cun sa tenta de donai un’agiudu a trasmiti a is generatzionis noas unu sentimentu de arrespetu e de empatia cunfrontu a sa Terra.
Unu labboratóriu innui donniunu at a fai is timbrus suus personalizaus de imperai cumenti a basi de pinturas artísticas.
Durada: 1 ora e 30 minutus.
Destinatàrius: pipius a cumintzai de 6 annus
Materialis: ddu donat s’assótziu
Títulu: Emma AdBåge, La Natura, Camelozampa
A su labboratóriu podint partecipai unu màssimu de 20 pipius chi si podint iscriri imbiendi una e-mail a s’indiritzu biblioguspini@bibliotechelinas.it opuru podint telefunai a su n. 070 9760602