SARDU
Comunu de Nuradda, Stersili, Nuragus, Seulu, Isili: Custu mesi, in is iscolas e in is bibliotecas de su Sarcidanu – Barbàgia de Seulu, su Sportellu Linguìsticu, in collaboratzioni cun is bibliotecas, atòbiat is pipius, mannus e piticus, aparicendi unus cantu de laboratòrius in lìngua sarda.
Candu?
Su 14 de freàrgiu s’atobiaus in Nuradda, in sa scola de s’infàntzia e eus a afestai a carrasciali in paris; su 17 e su 21 invècias, eus a èssiri a Stersili e a Nuragus, cun is pipius de sa scola primària cun una ligidura e unu laboratòriu tropu spassiosu!
Su 13 de freàrgiu e a sighiri ònnia giòbia a mengianu in Seulu, is pipius e is maistas de s’iscola de s’infàntzia arricint is operadoris de su sportellu linguìsticu e de sa biblioteca po leturas, atividadis e giogus in sardu e italianu. Mércuris, su 19 de freàrgiu in Ìsili, in sa biblioteca comunali s’at a fàiri un’atividadi de letura cun laboratòriu ispirau a su lìbburu “Carrasecare Design” de Mara Damiani (ed. Arkadia).
Tandus sinnai custus atòbius:
- giòbia, su 13-20-27 de freàrgiu, 5 de martzu, scola de s’infàntzia de Seulu de is 9 e mesu de mengianu;
- cenàbura, 14 de freàrgiu, scola de s’infàntzia de Nuradda, de is 2 a is 4 de pustis pràndiu;
- lunis, 17 de freàrgiu, biblioteca de Stersili, de is 4 e mesu a is 6 e mesu de merì;
- mércuris, 19 de freàrgiu, biblioteca de Ìsili, de is 4 e mesu de merì;
- cenàbura, 21 de freàrgiu, scola primària de Nuragus, de is 10 de mengianu a mesudì.