SARDU

Comunu de Igrèsias: A incuru de Academia Terra, in collabboratzioni cun s'Assessorau a sa Cultura de su Comunu de Igrèsias.

OKTV_SummerFest torrat pustis de s’editzioni de Beranu po donai unu programma de acontéssius dedicaus a is MediaArt Digitalis contemporàneas.

Intra is apuntamentus:

▪️ In su logu spantosu chi est su parcu e sa Villa de s’Assótziu Mineràriu Sardu de Igrèsias (Bia Roma), si faint is Open Lab e ingunis funt piatzadas is installatzionis chi acrobant is linguàgius artísticus chi andant de s’Arti Concetuali a sa PromptArt e s'Interaction design. (21 - 22 - 23 de Làmpadas).

▪️ In Bia Roma, in is spàtzius de is Scolas Maschilis bécias, strangiaus de s’Assótziu Remo Branca, si faint is master class de EIA Factory, innui artistas, spertus de comunicatzioni e linguàgius digitalis, ant a chistionai de is scenàrius spertadoris de s’Intelligéntzia Artiftziali in s’arti. (21 - 22 - 23 de Làmpadas).

▪️ Sa Sala Remo Branca, in Pratza Municipio, at a strangiai AV Performance (24 de Làmpadas) e su Museo Temporaneo della Sintesi, un’ammosta de tecnologias digitalis de època, chi si contat is cumentzus de sa síntesi musicali. (24 - 25 de Làmpadas).

▪️ Su 25 de Làmpadas, s’acontéssiu finali, in Pratza Sella, at a spaciai su Festival cun unu merii de música eletrónica, +DJ Set e +Visual, innui s’ant a esibbiri artistas in atividadi in sa scena "clubbing" e sperimentali.