SARDU

Comunu de Biddanoa de Forru: S’Operatzioni Risorgimentu digitali afòrtiat s’impinnu po sa spartzinadura de is cumpetèntzias online. De is pratzas de s’Itàlia a cussas digitalis, partint is primas classis de sa scola de Internet abertas a totus is tzitadinus po imparai is potentzialidadis de sa reti e semplificai sa vida de is personas po mesu de s’impreu de is tecnològias noas e de is aplicatzionis. Scola de Internet po totus: Po bivi cumenti a protagonistas in d-una sotziedadi noa e digitali!“Sa scola de Internet po totus” est unu programma mannu e de formatzioni pensau po is personas de dònnia edadi, residentis in totus is regionis. Cursus online a indonu po fai connosci is oportunidadis e is ofertas de su digitali e semplificai sa vida cun s’impreu de is tecnològias noas. Po partetzipai no serbint cumpetèntzias spetzìficas, ma sceti a sciri utilizai is printzipalis device (livellu de intrada mèdiu-bàsciu) e su disìgiu de connosci strumentus e aplicatzionis nous po bivi in su XXI sèculu e imparai sempri cosas noas.

Cursu: "Melliorai sa vida cun su digitali"

Durada: una dì a sa cida po 4 cidas.

Cuatru webinar donniunu de un’ora.

Is partetzipantis intrant a fai parti de una community virtuali animada de Teacher e Tutor de TIM: in prus ddoi funt is letzionis a distàntzia e is tzitadinus tenit a disponimentu argumentus in e-learning, materialis de aprofundimentu in formau pdf po ddus scarrigai, esertzitatzionis pràticas, videus e giogus po amostai is cumpetèntzias pigadas. A s’acabbu de su cursu ddoi at a essi sa verìfica de su livellu de connoscèntzia pigau de su partetzipanti e benit donau unu tzertificau in forma de open badge.

Is argumentus:

Digitali in busciaca: otimizaus e personalizaus is configuratzionis de su device nostu;

Pagamentus digitalis in siguresa: imparaus a utilizai in siguresa home banking, e-commerce e shopping online;

Deu, Tzitadinu digitali: imparaus a manigiai is strumentus de sa PA po melliorai sa vida nosta;

Saludi e benesseri on line: imparaus a connosci is aplicatzionis po sa saludi, su benesseri e su tempus lìberu. A s’acabbu de dònnia cursu is partetzipantis ant a podi partetzipai a unu giogu natzionali po averiguai is cumpetèntzias achiridas. Is resurtaus finalis ant a inditai is regionis prus partetzipativas e digitalis. Cumenti partetzipai. Intrendi in sa setzioni dedicada depeis cumpilai su mòdulu de registratzioni cun is datus anagràficus de bosàterus, e seletzionai su cursu disponìbili po sa bidda innoi biveis. Organizatzionis pùbblicas e privadas chi bolint riservai is cursus po is impitadoris insoru podint imbiai una email a s’indiritzu ord@mondodigitale.org