SARDU
Comunu de Pabillonis: Fonti: La Gazzetta del Medio Campidano: Sa Consulta de is Gióvunus de Pabillonis e s'assótziu "Promos", po su períodu de Paschixedda, tenint unu progetu nou: "Escape of Xmas". Est unu giogu tzentrau asuba de sa lógica. Is cuncurrentis acorraus in aposentus amaniaus cunformas a s'argumentu, depint circai sa manera de bessiri, umperendi dónnia elementu de sa strutura, risolvendi códixis, enigmas, segamentus de conca e intzertus. Po pódiri acabbai cun profetu su giogu, is partitzipantis depint organizai sa fuidura aintru de sessanta minutus.
Sa tarea est sa de strumbulai su ciorbeddu, s'intúitu e, no úrtimu, su "team building". Su trabballu e s'agiudu intra de totus is partitzipantis est indispensàbbili po sciolli is enigmas e acabbai cun profetu su giogu.
S'acontéssiu si fait intra de su 20 e su 23 de Meseidas in is aposentus de sa Consulta.
Cun custu giogu, su vitzepresidenti Luca Cara, intrau apustis de Andrea Frau su 29 de Meseladàmini passau, bolit ancoras una borta interessai is gióvunus pabillonesus in manera símpatica e intelligenti.