SARDU
Comunu de Pabillonis: Fonti: Cagliari Post - FINS - Federatzione Isport Natzionale Sardu - presentat: "Natzionalis - Sa festa de is natzionalis sardas". Una dí organizada de su FINS innui si presentant is disciplinas, si fueddat de isport e de is chistionis teóricas acapiadas a s'esisténtzia de is natzionalis isportivas sardas, portendi esémpius internatzionalis.
Po sa parti teórica est presenti Adriano Cirulli (dotori de circa in Sotziologia de sa Cultura e de is Protzessus Políticus in s'Universidadi "La Sapienza", Carlo Pala (politólogu e insennianti de Sciéntzia de s'Amministratzioni in s'Universidadi de is Stúdius de Tàtari) e Matteo Pische (abogau FINS).
Po is isport funt presentis is rapresentantis de is disciplinas cumenti a su fúbbalu, "Hunter Field Targhet", "Powerlifting" e "Wing Chun".
Sa festa si fait custu sàbudu, 16 de Donniasantu in Pabillonis (SU), in su "Nueve", SP 73 e acàpiu "google maps": https://her.is/2NGNghX, a inghitzai de is tres de meigama fintzas a sa una de a noti (15.00 - 01.00)
A parti is disciplinas isportivas funt presentis is giogus de mesa nàscius in Sardigna, cumenti a "Tancas" e "Spuntino".
Doi at tempus po su spàssiu puru, a inghitzai de unu logu dedicau a is pipius, cun gonfiàbbilis e realidadis virtualis mentras luegus apustis de cena si nci stentat cun is artifítzius e po acabbai sa música de Dr.Drer&Alex P. e Bujumannu.