SARDU
Comunu de Gùspini: ISPRA, AIPAI, ANIM, ASOMINERARIA e G&T, cun s’agiudu de su Consillu Natzionali de is Giólogus e de is Servítzius Giológicus Europeus (EuroGeoSurveys), prumovint ocannu puru, su 25 e su 26 de Maju, sa de 11 Giornadas Natzionalis de is Minieras cun unu programma arricu in su territóriu natzionali, po favoressi su gosu de su patrimóniu mineràriu e giológicu.
Apustis de sa speriéntzia positiva de s’editzioni passada, sa Miniera de Montibéciu, cumenti est oramai costumu, partitzipat ocannu puru a sa Giornada torrendi a proponni un’allobu cun “Una vetrina in Miniera” (Un’ammosta in Miniera). Sa Giornada dda incurat sa coperativa “Lugori” imparis cun s’assótziu “Sa Mena” e sa “UnipolSAI”.
Programma
25, 26 de Maju 2019
10,30 – 19,30 ( de is dexi e mesu de a mengianu a is seti e mesu de a merí)
“Cantieris de Levanti”: “Una ammosta in Miniera”, ammosta- mercau de Artesanus e produtoris de cosa de papai a km 0.
A incuru de UnipolSAI: “ Is Mineralis de Montibéciu e non scéti”;
Espositzioni cun setzioni spetziali dedicada a cussus “a coccarda”;
atóbiu cun is spertus colletzionistas
10,30 – 13,30 (dexi e mesu de a mengianu fintzas a sa una e mesu)
Puntu de informatzioni (Info.Point) Pratzali Rolandi Montibéciu
“… Beneus de Ponenti”, abbisita ghiada cun unus cantu minadoris bécius.
12,30 – 15,30 ( mesudí e mesu fintzas a is tres e mesu de meigama)
Cantieris de Levanti “Pràngiu in Miniera” cun lista a prétziu spetziali po si stentai in su logu. Po totu sa durada de s’acontéssiu funt disponíbbilis, a su prétziu normali de abbisita, is camminus de abbisita ghiada a is struturas mineràrias asuba e su camminu asuteterra a sa scoberta de sa galleria Anglusarda.