SARDU

Comunu de Carbònia: Una de is manifestadas de prus importu e prus apretziada in Sardigna, “Il Sulcis Iglesiente Espone” est pronta po aberri sa de 13 editzionis cosa sua, chi si fait in Carbònia sàbudu 25 e domínigu 26 de Maju 2019.

Su tzentru stóricu tzitadinu, pruscatotu sa zona intra de pratza Roma, bia Manno, bia Fosse Ardeatine, pratza Marmilla, bia Gramsci, pratza Matteotti, pratza Del Minatore e bia San Ponziano, stràngiat 2 dís, prus o mancu 300 esposidoris, “street food” regionalis, natzionalis e internatzionalis,  po sa fiera de s’artesania, de sa cosa de papai e de su turismu.

S’acontéssiu organizau de “Associazione Consorzio Fieristico Sulcitano” cun s’agiudu económicu de su Comunu de Carbònia, ddu presentant mércuris 22 de Maju, a is cuatru e mesu (16,30) in sa sala de is atóbius de sa Turri Litória.

Totus is piessignus de Sa de 13 Editzionis de sa Fiera “Il Sulcis Iglesiente espone” ddus narant in s’interis de sa cunferéntzia po is giornalis.