SARDU

Comunu de Pabillonis: S'Amministratzioni Comunali e s'Ufítziu de Língua Sarda de Pabillonis, tenint su prexeri de strangiai a Dot. Giovanni Serreli e a sa Dot.ra Gabriella Uccheddu chi fueddant de: " Su Rennu de Arborea: stória, archeologia e avaloramentu de is casteddus de Monreali e Marmidda". S'atóbiu si fait cenàbara 31 de Maju 2019, a is tres e mesu de a merí (15,30), in is aposentus de sa Scola Média bécia, in bia Sardigna,  in su cuntestu de su cursu de alfabbetizadura de Língua Sarda. Podint partitzipai puru  is chi non funt iscritus a su cursu e is chi non funt residentis in Pabillonis.

Su cursu de Língua Sarda ddu organizant  sa Províntzia de su Sud Sardigna imparis cun su Comunu de Pabillonis, alleaus in su progetu "Sighidura de sa sperimentatzioni linguística" cunformas a sa L.482/99 "Normas in materia de amparu de is minorias linguísticas stóricas".