SARDU
Comunu de Gùspini: Est incumentzada ufitzialmenti s’8 de Meseladàmini sa manifestatzioni "Paschixedda in Gúspini", chi biit unu calendàriu arricu de acontéssius in totu su tempus chi ant a durai is festas de Paschixedda chi cumentzat, cumenti eus giai nau, sa dii de s’Immaculada e acabbat su 7 de Gennaxu.
Sa manifestatzioni est organizada de su Tzentru Cummertziali Naturali APICE paris cun su Comunu de Gúspini, s’Assótziu Proloco Gúspini, su Gal Linas Campidanu, su Suportu de sa Regioni Autònoma de sa Sardigna e sa collaboratzioni de Assótzius localis medas (Sistema Bibliotecàriu Monte Linas, Suser, Assótziu Caleidoscopio, Filodrammatica Guspinesa, Il mercatino dei sogni, Lughenè, Festival BaB, Assótziu Vides Auxilium)
Sa tenta prus de importu de custa manifestatzioni est a prommovi is produsiduras primorosas de su territóriu guspinesu e de is biddas acanta.
Custa editzioni at donau importu mannu a su MELI cumenti a produtzioni e sighit su trabballu cun su “Cuncursu de is Melis de Sardigna”. Is própius melis in cuncursu s’ant a imperai po fai drucis e pratus nous, a incuru de is Scientis e is Maistus de sa Scola Alessandro Volta de Gúspini-Arbus chi ant a donai vida a sa gara de coxina a tema, in d-un’amesturu de meli, ciuculati, casu, etc. "Luntu cun Mebi", "Ciucculat" e "Pani, Casu e Binu Arrasu"
In is duas diis de sa fiera de Paschixedda is Chef ant a donai prus valori a is produtus PANI, CASU e BINU A..RRASU (paris cun is Paneteris de Gúspini Marco Manca e Marcello Piras), su Produsidori de trigu Agrobass, su caseifíciu L'Armentizia Moderna, ant a ponni in ammosta is produtus nous insoru e su maistu casaju Fabio Atzeni de sa Fattoria Alba, s’at a arriscai a fai in direta su "CASU"; impari a issus nci funti s produsidoris de binu, produsidoris agrículus etc, arrapresentaus de is mellus propostas de Paschixedda.
A s’acabbu de sa rassigna in is labboratórius, s’at a donai importu ancora a su MELI-MÉNDULA cun su TURRONI de GÚSPINI, chi sa famíllia Fadda-Serpi valorizat de prus de unu séculu fendindi una specialidadi connota in totu Sardigna, cun su Spot "SA MESA DE IS TURRONIS".
Is Spetàculus cun Artistas de Strada, Musicheris Folk, Babbi Natale, Duenas, ant a callentai s’atmosfera; is chi faint is Artis antigas ant a trabballai a su momentu e in sa Galleria Fanni s’at a ordingiai s’ammosta de arti cuntemporànea "ARTE IN GALLERIA". Unu percussu ideali de ponni infatu puru peri bias de su tzentru stóricu, e in su interis at a essi disponíbbili su SPAZIO BIMBI po permiti a is babbus e a is mammas de abarrai assèlius e comporai cosa po Paschixedda.
S’est torrada a proponni puru sa Campagna "A Natale Compra Locale" cun prémius a is chi ant a comporai in is butegas de is Assotziaus a su CCN APICE GUSPINI cun sa "lotteria degli scontrini" de su 18 a su 30 de Meseidas.
Innoi assegus totu su programma de is acontéssius:
Fintzas a su 31 de Meseidas
Artis Antigas
(avaloramentu de is professionalidadis alliongiadas a s’artesanau e a s’agroalimentari de calidadi, labboratórius vàrius; Vetrina de Paschixedda; Abbellimentu e alaxus, luxis e decorus.
8 de Meseidas - h 18 Cineteatru Murgia: - Meseidas Teatrali (Filodrammatica Guspinesa)
10 de Meseidas - h 19 – Domus a Corti: SEGNALI DI VITA Arregodu de Franco Battiato a incuru de su Comunu de Gúspini – Assessorau a sa Cultura
11 de Meseidas - h 16,00 - Bia Togliatti: "LA CASTAGNATA" a incuru de s’AUSER
11 de Meseidas - h 18.30 Cineteatru Murgia: Meseidas Teatrali (Filodrammatica Guspinesa)
11 e 12 de Meseidas – de is oras 16,30 a is oras 19,30 Domu Murgia: “Non è l’America" Ammosta Fotogràfica de Stefano Pia a incuru de s’Ass. Caleidoscopio
12 de Meseidas - h 18.30 Cineteatru Murgia: Meseidas Teatrali (Filodrammatica Guspinesa)
16 de Meseidas - h.18,00 Biblioteca Comunali : DI DIAVOLI, PENTOLE E ALTRI IMBROGLI. Spetàculu de buratinus de e cun Daniele Pettinau a incuru de su Comunu de Gúspini - Assessorau a sa Cultura
17 de Meseidas - h.18,30 Biblioteca Comunali: Reading musicali ANDAI NEI BOSCHI
Libru de Z. Zingone, mùsica de A. Merlochevola, móderat Davide Forte a incuru de su Comunu de Gúspini - Assessorau a sa Cultura
FIERA DE PASCHIXEDDA
Sàbudu su 18 de Meseidas de is 10:00 a is 22:00 in Pratza XX Settembre
oras 10:00 inauguratzioni e saludus de is produsidoris de is garas de coxina "Chef per un giorno" ; avaloramentu de is primoris alimentaris de su territóriu nostu, dulche e sabiu.
oras 10:15 cumentzat sa gara a Scuadras de s'Istitudu A. Volta Alberghieru Gúspini-Arbus. Temas "Luntu cun Mebi" - "Ciucculat" - "Pani Casu e Binu A..rrasu"
oras 12:30 Premiatzionis de sa gara; Spetàculu de mùsica, ballus, cantus e animatzioni cun is artistas de strada, giogulanus, duenas, Babbo Natale in pratza, tastadura, arti e mestieris.
oras 16:00 inauguratzioni "ARTE IN GALLERIA" ammostas de arti in sa Galleria Fanni
oras 16:30 Labboratóriu "Pani Casu e Binu A...rrasu" Trabballu a manu de su Casu in su Mercau Tzívicu de bia San Nicolò, cun su Maistu Casaju Fabio Atzeni.
Domínigu su 19 de Meseidas
De is 10:00 a is 22:00 Pratza XX Settembre - Galleria Fanni
oras 10:00 abertura de is bancarellas, avaloramentu de is primoris alimentaris de su territóriu nostu, dulche e sabiu. Temas "Luntu cun Mebi" - "Ciucculat" - "Pani Casu e Binu A..rrasu"
oras 10:00 "ARTE IN GALLERIA" ammostas de arti in sa Galleria Fanni totu sa dii.
oras 16:00 "SPAZIO BIMBI" baby parking a indonu fintzas a is 8 de a merí.
oras 16:30 Labboratóriu "Sa Mesa de Is Turronis" gara de lavoratzioni a manu de su Turroni e Meli, gara oberta de faidura a manu in deretura de su Turroni de Gúspini.
Aposentamentu de is cuncorrentis (po s’iscriri e domandai informatzionis tocat a tzerriai a su númeru de telèfunu 3402449376)
Spetàculus cun Artistas de Strada, mùsica, ballus, cantus e animatzioni, giogulanus, duenas, Babbo Natale in pratza, tastadura, arti e mestieris.
19 de Meseidas - h 18.30 Cineteatru Murgia: Meseidas Teatrali (Filodrammatica Guspinesa)
23 de Meseidas - h.17,30 - Biblioteca Comunali: GRAZIA E NINNICHEDDU - Omàgiu a Grazia Deledda.
Ses stórias de Paschixedda contadas e cantadas, de e cun sa cantautora Chiara Effe a incuru de su Comunu de Gúspini - Assessorau a sa Cultura.
27 de Meseidas - Tzentru Acontéssius Vides, Bia Palermo :
h. 15,30:Tombolada
h. 18,00: Proietzioni de su film po piciocus/famíllias
a incuru de s’Ass. Vides Auxilium ODV
28 de Meseidas - Tzentru Acontéssius Vides, Bia Palermo:
h. 16,00 Proietzioni de su film po piciocus/famíllias
h. 18,00 Proietzioni de su film po piciocus/famíllias
a incuru de s’Ass. Vides Auxilium ODV
29 de Meseidas - Tzentru Acontéssius Vides, Bia Palermo:
h. 18,00 Proietzioni de su film po piciocus/famíllias
a incuru de s’Ass. Vides Auxilium ODV
30 de Meseidas - Centro Eventi Vides, Bia Palermo:
h. 16,00 Proietzioni de su film po piciocus/famíllias
h. 18,00 Proietzioni de su film po piciocus/famíllias
a incuru de s’Ass. Vides Auxilium ODV
GENNAXU 2022
4 de Gennaxu - Biblioteca Comunali h. 16.00: ALLUMETTE - Labboratóriu de costrutzioni làntias po pipius de is 6 annus, màssimu 20 partecipantis a incuru de s’Assótziu Lughenè - Comunu de Gúspini - Assessorau a sa Cultura.
5 de Gennaxu - Pratza XX Settembre h 16.00: “Aspettando la Befana” A incuru de sa Proloco Gúspini.
Stradas diversas
BEFANE IN MOVIMENTO a incuru de su Mercatino dei Sogni
6 de Gennaxu - Pratza XX Settembre h 16.00: LA BEFANA INCONTRA I BAMBINI paris cun sa Parróchia San Nicolò
7 de Gennaxu - Domus a Corti: MEIGAMA Cuncertu de presentada de su discu de Francesco Medda Arrogalla e Mauro Palmas - a incuru de su Comunu de Gúspini - Assessorau a sa Cultura.