SARDU
Comunu de Biddaspitziosa: Sa Pro Loco de Biddaspitziosa apariciat po domínigu 3 de abrili una passillada ecológica a Santu Cromàtziu e una gara non competitiva cun vísitas ghiadas a sa scoberta de su territóriu de sa bidda. Su programma arricu de sa diri previdit a is 8.30 s’atóbiu de is chi partécipant in su parcu de su situ archeológicu de Santu Cromàtziu innoi ci at a èssiri siat sa parténtzia ca s'arribu.
A is oras 9:30 ci at a èssiri sa parténtzia aici pretzida:
1. Passillada ecológica in unu circuitu cuntrollau de 4,6 km
2. Gara non competitiva in unu circuitu cuntrollau de 11.2 km
Po chini non partécipat a is atividadis ca eus nau in susu, de is oras 10 a is 12:30 ci at a èssiri sa possibilidadi de fai vísitas ghidas a su situ archeológicu de Santu Cromàtziu cun una ghia autorizada de s' Assótziu Agt Sardinia.
Po prenotai tocat a scarriai su módulu in sa pàgina Facebook de sa Pro Loco Biddaspitziosa o preguntai informus a is númunus 3406628352 3491362344. Si podit puru inviai una mail a s'indiritzu: prolocobiddaspitziosa@gmail.com.
De su 21 a su 27 de Martzu, de is 18:00 a is 20:30, s’ant a pòdiri pigai is adesionis puru in sa sedi de sa Pro Loco in su parcu comunali.
Sa gara non competitiva tenit una cuota de € 10 a persona (cun su pacu gara) cun premiatzioni po is primus 10 classificaus assolutus de is féminas e de is mascus, mentris sa passillada ecológica tenit una cuota de 5 € (cun unu arregordeddu de sa manifestatzioni).
Po prenotai sa vísita ghiada tzerriai a su númunu 3406628352 opuri mandai una email a: prolocobiddaspitziosa@gmail.com
Po sa partecipatzioni est obbligatóriu su green pass. Po arrexonis de siguresa, in prus, non si podint arrególliri animalis o impreai is bicicletas.