SARDU

Comunu de Gùspini: In ocasioni de sa dii internatzionali de is féminas, sa Commissioni po is paris oportunidadis e unus cantu assótzius guspinesus ant apariciau sa “Passillada in grogu. Fueddus e passus impari contras a sa disparidadi”.

Sa Passillada in grogu, po arremonai su colori de sa mimosa, su frori símbulu de sa dii internatzionali de is féminas, est s’ocasioni po si atobiai e cumpratziri bideas e pentzamentus apitzus de sa cunditzioni feminina.

S’acontéssiu cumentzat a is duas e mesu de a mericeddu (14.30) in sa Pratza XX Settembre de innui si partit a passillai conca a "Su Montixeddu", e spàciat in sa Pratza 8 Marzo, ancu s’ant a ligi poesias e scritus, e ddoi at a essi su contribbudu teatrali a incuru de sa Filodrammàtica Guspinesa.

Si cumbidant is chi ant a partetzipai (chi dd’agradessint) de si bistiri cun calincuna cosa de colori grogu.