SARDU
Comunu de Gùspini: S’at a presentai su 20 de Friaxu a is 7 de a merii (19:00), in is aposentus de su Molinu Garau, sa graphic novel “Patrick Zaki. Una storia egiziana” (Feltrinelli Comics, 2022) chi at scritu sa giorronnalista guspinesa Laura Cappon e cun is is disegnus chi at fatu su fumetista e ativista Gianluca Costantini – autori de sa màgini prus icónica de Patrick Zaki - cun s’amparu de Amnesty International Italia.
S’autora, chi est contendi de diora cun atentzioni is acontéssius egitzianus e chi at sighiu de printzípiu totu sa faina de Patrick Zaki, torrat in sétiu in prus pagu de 130 diis sa stória drammàtiga chi est cumentzada su 7 de Friaxu 2020 candu iant arrestau s’ativista e circadori egitzianu e chi a oi no est acabbada ancora, abetendi sa de noi udiéntzias chi est su 28 de Friaxu. Un’òpera de graphic journalism fata in tempus realísticu, arrica de pregontus e aprofundamentus, chi tenit sa tenta de fai dibbati e pentzai. Is autoris ant scerau su fumetu po contai un’acontéssiu drammàtigu, epuru prenu de spera, chi at scidau atentzioni a livellu internatzionali e chi at fatu movi is cusciéntzias contras a sa violatzioni de is deretus umanus.
A sa presentada ddoi est presenti Laura Cappon, giorronnalista e autora de su libbru.
S’acontéssiu dd’at apariciau s’Assessorau a sa Cultura de su Comunu de Gùspini in collabboratzioni cun sa Proloco Gùspini.