SARDU

Comunu de Santu 'Éngiu: Fonti:"La gazzetta del Medio Campidano": Cenàbara su 25 de martzu a is noi oras de noti, in su Teatru Comunali de Santu’ Èngiu, ddoi at a essi su spetàculu “L’anello forte” (pigau de su romanzu omònimu de Nuto Revelli), cun Laura Curino e Lucia Vasini, drammaturgia e regìa de Anna Di Francisca. Me is centu annus de sa nàscida de Revelli, unu omàgiu a is fèminas de is calis s’autori at arregortu is testimoniàntzias. S’aneddu est su sìmbulu chi acapiat is fèminas e is tretus dudosus e dolorosus de issas. Fèminas in su sartu, in fàbrica e in atrus logus de traballu. A bortas ràspidas ma sempri arricas de umanidadi e de  fisicidadi, cussas chi si permitint de andai calincuna ora a baddai, a pustis de ai traballau meda cun sa schina incrubada in su sartu o in mesu a su logu brutu. Est una produtzioni de “ Il Contato del Canavese/ Teatru “ Giacosa” de Ivrea- Teatro Stabile de Torinu, in collaboratzioni cun sa Fondatzioni “ Nuto Revelli”, Archìvius de su Polu de su ‘900- Archìviu natzionali Tzìnema Impresa, FCSC e Assòtziu “Gloria Lunel”.“L’anello forte” fait parti de sa rassinna Cedac 2021-2022.
Po informatzionis e prenotatzionis 340 4041567