SARDU
Comunu de Pabillonis: S'Amministratzioni Comunali e s'Ufítziu de Língua Sarda de Pabillonis, tenint su prexeri de strangiai a Dot. Bartolomeo Porcheddu* chi presentat su líbburu cosa sua:" Su latinu est limba de sos sardos. Latinum língua sardorum est" . Sa presentada si fait cenàbara 3 de Maju 2019, a is cuatru de a merí (16,00), in is aposentus de sa Scola Média bécia, in bia Sardigna, in su cuntestu de su cursu de alfabbetizadura de Língua Sarda. Podint partitzipai puru is chi non funt iscritus a su cursu e is chi non funt residentis in Pabillonis.
Su cursu de Língua Sarda ddu organizant sa Províntzia de su Sud Sardigna imparis cun su Comunu de Pabillonis, alleaus in su progetu "Sighidura de sa sperimentatzioni linguística" cunformas a sa L.482/99 "Normas in materia de amparu de is minorias linguísticas stóricas".
Dot. Bartolomeo Porcheddu
Nàsciu in Ossi (SS) su 17 de Cabudanni de su 1959. Laureau in Sciéntzias Políticas (indiritzu stóricu) in s'Universidadi de is Stúdius de Tàtari, s'est spetzializau in "Studi Sardi" in s'Universidadi de is Stúdius de Casteddu e in "Formadori de Língua e Cultura sarda" in s'Universidadi de Tàtari.
De língua madri sarda, at pubricau sa primu tradutzioni de s'italianu a sa varianti sarda logudoresa in su 1999 cun su líbburu: "Santu Antine: istòria, paristòria e sagra" e is monografias: "Logos de Sardigna: Ossi" e "I Barracelli".
In su 2003 at scritu in sardu is testus de s'arremonu stóricu de s'intrada de G. Maria Angoy a Ossi e Tissi su 2-3 de Làmparas 1796.
In su 2008 at creau e dirígiu sa revista "Logosardigna", scrita de unu totu in sardu, fintzas a su 2017, pubrichendi unus centu artículus de língua e cultura sarda.
In su 2012 at pubricau sa primu "Grammàtica de sa Limba Sarda Comuna", apustis de ai giai scritu unus cantu sàgius, intra de custus: "La lingua della Carta de Logu. Sa limba de sa Carta de Logu" (2011), innui ammostat sa lingua statuali umperada de Eleonora d'Arborea in is leis chi at fatu po sa Sardigna.
De su 28 de Maju 2012 a su 25 de Abrili de su 2014 , su Consillu Provintziali de Tàtari dd'at fatu "Membru de s'Osservatóriu regionali po sa Língua Sarda" de sa Regioni Autònoma de Sardigna. Apustis un'incàrrigu de insenniamentu in s'Universidadi de is Stúdius de Casteddu (2013) po su cursu FILS (Formatzioni Insenniantis in Língua Sarda), at fatu atividadi didàtica in sardu in scolas diferentis de sa Sardigna e in su Tribbunali de Sorvegliantza de Tàtari (2012).