SARDU
Comunu de Serramanna: Sàbudu 6 de Abrili 2019, a is ses e mesu de a merí (18,30), in su Montigranàticu béciu (ammassu de su trigu), s'assótziu culturali "Il Pungolo", presentat su líbburu de Emilio Ortu Lieto asuba de is pinturas decorativas in is domus de làrdiri: "Pitture decorative nelle case di terra cruda in Sardegna".
Su líbburu proponit unu stúdiu asuba de is pinturas decorativas chi nci funt in is domus campidanesas antigas, e in particulari in Serramanna, e ammostat su stili e is ténnicas de unus cantu maistus localis de importu , s'atividadi cosa insoru est documentada puru de su númunu mannu de fotografias fatas de Michela Medda.
S'autori
Emilio Ortu Lieto nascit in Casteddu su 16 de Maju de su 1963, si laureat in Padova in Psicologia de Comunidadi e in Venetzia in Scenografia e costumu; trabballat prus o mancu de 25 annus in su teatru e in su tzínema, trabballendi a bortas cun prémius Oscar e nóminis famaus internatzionalis, siat cumenti a costumista e scenografu siat cumenti a assistenti. In is úrtimus dexi annus, apustis de essi torrau in Sardigna, in prus de insenniai, si ocupat de formatzioni e spartzinadura de is tintas naturalis, de contrastória de su costumu teatrali e is poéticas cosa sua e de sa relata intra de is connoscéntzias costumadas e identidadi.