SARDU

Comunu de Gùspini: In s’aposentu de su consillu de su Comunu de Gùspini sàbudu su 10 de Làmpadas a is 5 e mesu de a merii (17,30) s’at a presentai su libru de Andrea Pubusa “Da Angioy a Lussu”. S’atóbiu ddu aparíciat su Tzírculu Arci de Gùspini paris cun su “Gruppo Archeologico Neapolis”, cun s’amparu de su Comunu de Gùspini.

S’àuto-guvernu, in is declinatzionis diferentis suas, est unu tema atuali meda in Sardigna. Sa presentada de su sàgiu de Andrea Pubusa at a essi un’ocasioni po torrai a camminai is fatus stóricus chi in dónnia borta, ant incorau e poderau su sentimentu indipendentista e identitàriu. Unu percussu longu chi lompit fintzas a is diis nostas e a is propostas de guvernu chi ancora una borta espressant interessus chi no pertocant a sa Sardigna.

At a ciaciarrai cun s’autori Fernando Codonesu.