SARDU

Comunu de Sinnia: Sa presentada de su libru de Elio Dessì, “Sa Kuspidesa” Susil Edizioni, dd’at apariciada s’Assessorau a sa Cultura de su Comunu de Sìnnia paris cun s’Assótziu Culturali Grazia Deledda de Gùspini, e si fait sàbudu su 15 de Meseargiolas, a is 6 e mesu de a merii (18,30), in sa Biblioteca Comunali de Sìnnia. Su libru de s’autori guspinesu ginnasta e spertu de artis martzialis, cun custu libru bolit fai una dàdiva a s’ajaju suu de parti de babbu, minadori e sordau Luigi Dessi e a is giòvunus de sa Brigata Sassari chi ant cumbàtiu in sa Primu Gherra Mondiali.

Su libru bolit essi fintzas unu reconoscimentu po s’abbilesa chi tenint de sempri is artesanus guspinesus in su fai is arresojas e difati, oi ancora, su ex tzentru mineràriu contat dexinas de artesanus chi portant is trabballus insoru in giru peri su mundu.