SARDU
Comunu de Gùspini: Sa Biblioteca Comunali de Gùspini tenit su prexeri de presentai su primu romanzu de Sebastian Ruggiero (chi po annus meda est stétiu maistu in sa Scola Primària e de su 2019 est Dirigenti Scolàsticu de s’Istitudu Comprensivu “Pietro Leo” de Arbus): “Intrigo sull’Olimpo” imprentau de sa domu de imprenta “Giovane Holden edizioni”.
S’apuntamentu est sàbudu su 24 de Làmpadas a is 6 e mesu de a merii (18.30) aintru de sa Biblioteca Comunali de Gùspini, in bia San Nicolò 9.
A donai is saludus istitutzionalis nc’est s’Assessora a sa Cultura Francesca Tuveri.
Ant a ciaciarrai cun s’autori Cristina Saba (bibliotecària) e Stefania Carta (maista) cun s’acumpangamentu musicali de Marcello Floris.