SARDU
“PROMEMORIA AUSCHWITZ SARDEGNA 2019”
S’Assótziu “ARCI Sardegna” fait unu bandu po partitzipai a su Progetu “Promemoria Auschwitz Sardegna 2019”. Su Progetu, finantziau de su Comunu de Gùspini, ddu gestiscit s’Assótziu “ARCI Sardegna” imparis cun s’assótziu “Deina”.
ITA EST
“Promemoria Auschwitz” est unu progetu de educatzioni a sa tzitadinàntzia europea pentzau po acumpangiai is generatzionis nobas a scoberri e a sa cumprendi sa trabballodidadi de su mundu chi si ingiriat a inghitzai de su passau e de is is contus cosa sua, po chi potzant achiriri su spíritu críticu chi serbit po essi protagonistas in is tempus de oi cumenti a tzitadinus.
Castiai in crai europea a sa stória de sa Segunda Guerra Mundiali, de sa Deportatzioni e de sa Shoa bolit nai costruiri sa cusciéntzia chi is protzessus de fundamentu funt parti de unu passau comunu, diaici cumenti ddoi funt is cunsighéntzias sotzialis, políticas e culturalis chi cussa stória ant prodúsiu. Sa costrutzioni de una sotziedadi tzivili non podit tenni àterus chi custus fundamentus, e is biaxis de sa memória agiudant a educai una generatzioni de gióvunus europeus chi siant bonus a cumprendi su santidu fungudu e trabballosu de is sfidas de is tempus de oi.
Sa tarea generali de “Promemoria Auschwitz Sardegna 2019” est sa de educai a una partitzipatzioni chi siat líbbera, crítica e cuscienti, proponendi unu camminu struturau bonu po alimentai una relata sighida intra de stória, memória e tzitadinàntzia.
Est unu logu innui is chi pigant parti tenint sa possibbilidadi de si atobiai e aprofundai chistionis stóricas e sotzialis chi riguardant cussus annus, in unu períodu innui is testimóngius deretus de cussus acontéssius orrorosus inghitzant a sparessi.
Su passu prus de importu e forti de su progetu est su biaxi a Cracóvia. Is momentus tzentralis funt sa bisita a su Museu Fabrica de Oscar Schindler, sa bisita guidada a su bixinau e a su chi fiat su ghetu ebràicu de Cracóvia, e cussa a is campus de cuntzentramentu e sperdidura de Auschwitz-Birkenau, chi ddi dedicant totu sa dí.
“Promemoria Auschwitz Sardegna 2019” si presentat che un’esperéntzia forti meda, chi fichit is partitzipanti gióvunus in pentzus fungudus chi punnant in manera atrivida a strumbulai in is piciocus una partitzipatzioni ativa e una connoscéntzia chi, partendi de is acontéssius stóricus orrorosus de sa Segunda Guerra Mundiali, lompat a analizai in manera crítica e costrutiva is tempus de oi chi ddus ingiriant.
CHINI
Podint pigai parti a su progetu scéti is gióvunus:
- Residentis in su Comunu de Gùspini;
- chi tenint intra de is 18 e is 25 annus;
- chi s’impinniant a pigai parti a totus is fasis de su progetu – inclúdia sa formatzioni apustis de su biaxi e is torradas avatantis – pena sa bogada automàtica;
- chi si impinniant a cuntribbuiri cun 80 eurus, chi tocat a donai in s’interis de is atóbius preparatórius chi si faint ainnantis de su biaxi a Cracóvia.
CUMENTI ACUNSENTIRI
Is interessaus depint cumpilai – scéti in sa retza – sa domanda de partitzipatzioni aintru e non prus a tradu de su mesunoti (h.24,00) de sàbudu 15 de Meseidas 2018.
SCEBERU DE IS PARTITZIPANTIS
Is gióvunus arremonaus prus apitzus arritzint – scéti po médiu de posta eletrónica inditada in su mollu de domanda – sa tzerriada cun totus is indicatzionis po pigai parti a su collóchiu motivatzionali de sceberu fatu de is educadoris ARCI.
FUNT ESCLÚDIUS DE SU PROGETU IS CHI:
- non si presentant a su collóchiu de sceberu;
- non si presentant mancai a unu scéti de is atóbiu formativus previdius de su Progetu, si funt stétius sceberaus.
In totu funt ammítius a pigai parti a su Progetu:
- n. 1 gióvunus in su comunu de Gùspini.