Projetzioni de su film "L'Agnello", de Mario Piredda

06.10.2022

SARDU
ITALIANO

SARDU

Comunu de Gùspini: Su 7 de Meseladàmini a is 6 de a merii (18,00) in su Teatru Murgia nci at a èssiri sa projetzioni de su film “L’ AGNELLO” de Mario Piredda, giòvunu regista sardu. Sa projetzioni dda organizat sa Commissioni Paris Oportunidadis de su Comunu de Gúspini in collabboratzioni cun sa Proloco.

De sa Sardigna Piredda no pigat scéti is panoramas e is logus, chi siant montis o mari sintzillu. Ndi scít arrapresentai, chentza de retórica is rítimus de vida, is serradas, is speras chi a bortas trigant a si fai a biri po mori de una bregúngia antiga a amostai is sentimentus.

S’ambienti chi descrít est cussu de su sartu ma aintru ddoi est una preséntzia foras de sa norma: cussa de is mesus de s’esércitu, de is àreas tancadas cun su filu spinau, de unu incuinamentu chi podit portai sa morti.

E est in custu cuntestu chi sa protagonista Anita depit afrontai cun tostorrudéntzia e abbétiu una situatzioni delicada meda.

Sa de Anita, piciochedda chi iat a bolli abarrai aici ma chi est dépia cresci de pressi, est una preséntzia forti, capassa de essi arresoluta e delicada in unu mundu dominau de parentis mascus e innui is féminas depint abarrai citias, giai giai pérdias in unu passau malu a cumprendi, o desinunca funt serradas in una masedéntzia chi scéti pagas bortas arrennescint a sciopai.

Oi ancora, pustis de cunchistas meda e sa cusciéntzia de temas sotzialis de importu, si chistionat de sotziedadi patriarcali, e sa primu manera chi si manifestat su patriarcau funt is pregiudítzius de génia.

Custus is argumentus chi is organizadoris si proponint de afrontai in sa dibata, chi at a sighiri sa proietzioni de su film, cun sa preséntzia de sa Dotora Diletta Mureddu, psicòloga responsàbbili de is temàticas de génia de sa CGIL Sardigna

“L’Agnello”, figura de sempri simbólica, innoi est afidada a sa sensibbilidadi de su spetadori. Donniunu podit ligi unu sinnificau chentza timoria de sballiai giai ca sa preséntzia sua chistionat a donniunu a manera specífica e a bortas diferenti.

Intra su 2019 e su 2021 su film dd’ant projetau in 49 féstival internatzionalis e at arriciu arreconnoscimentus diferentis che a film mellus, e sa protagonista Nora Stassi (Anita) at bintu s’arremoni speciali cumenti a mellus atora in sa festa de su Tzínima de Roma 2019.

Mario Piredda nascit in Tàtari in su 1980. De su 1999 bivit in Bologna innui trabballat cumenti regista/operadori. Intzímiat cun is curtzumetràgius in su 2011 cun su strabballu suu “io sono qui” e arricit sa nomination a su David de Donatello, bincit unus 70 prémius e intrat in scioberu ufitziali in féstival natzionalis e internatzionalis meda. In su 2017 bincit su David de Donatello cun su curtzumetràgiu “A Casa Mia”.

ITALIANO

Comune di Guspini: Il 7 ottobre alle ore 18,00 presso il Teatro Murgia ci sarà la proiezione, del film “L’ AGNELLO” di Mario Piredda, giovane regista sardo. La proiezione è organizzata dalla Commissione pari opportunità del Comune di Guspini in collaborazione con la Proloco.

Della Sardegna Piredda non sa solo riprendere i panorami e gli spazi, siano essi montagne o mare incontaminato. Sa cogliere con efficacia e senza alcuna retorica i ritmi di vita, le chiusure, le speranze che faticano a rivelarsi a causa di un remoto pudore dei sentimenti.

L’ambiente che descrive è rurale ma in esso si è inserita una presenza anomala: quella dei mezzi corazzati dell’esercito, delle aree recintate con il filo spinato, di un inquinamento che può portare morte.

Ed è proprio in questo contesto che Anita, la protagonista deve affrontare con caparbietà e determinazione una situazione veramente delicata.

Quella di Anita, adolescente che vorrebbe poter rimanere tale ma che è dovuta crescere troppo in fretta, è una presenza forte, capace di incarnare determinazione e fragilità in un mondo dominato da figure parentali maschili e in cui le donne tacciono, quasi perse in un passato insondabile, o sono chiuse in una remissività che solo occasionalmente riesce ad esplodere.

Ancora oggi, dopo tante conquiste e la consapevolezza di temi sociali importanti, si parla di società patriarcale, e il primo modo in cui si manifesta il patriarcato sono gli stereotipi di genere

Questi i temi che gli organizzatori si propongono di affrontare nel dibattito, che seguirà alla proiezione del film, con la presenza della dott.ssa Diletta Mureddu, psicologa responsabile delle tematiche di genere della CGIL Sardegna

L’Agnello, figura da sempre simbolica, qui viene affidata alla sensibilità dello spettatore. Ognuno potrà leggervi un significato senza timore di sbagliare perché la sua presenza parla ad ognuno in modo specifico e spesso differente.

Tra il 2019 e il 2021 il film è stato proiettato in 49 festival internazionali e ha avuto diversi riconoscimenti come miglior film, e la protagonista Nora Stassi (Anita) ha vinto la menzione speciale come migliore attrice alla festa del Cinema di Roma 2019

Mario Piredda nasce a Sassari nel 1980. Dal 1999 vive a Bologna dove lavora come regista/operatore. Esordisce con i cortometraggi, nel 2011 con il suo lavoro “io sono qui” riceve la nomination al David di Donatello, vince circa 70 premi ed entra in selezione ufficiale in numerosissimi festival nazionali e internazionali. Nel 2017 vince il David di Donatello con il cortometraggio “A Casa Mia”