SARDU
Comunu de Nuràminis: S’Amministratzioni Comunali de Nuràminis fait sciri ca est perlongada sa scadéntzia po si iscriri a partecipai a sa gita apariciada po is residentis in su Comunu de Nuràminis chi tengant assumancu 60 annus fatus e chi siant autosuficentis in totu.
Sa gita durat una dii scéti, e si fait siguramenti de sàbudu o domínigu, in sa zona de su Sulcis-Igresienti aintru de is úrtimas cuíndixi diis de cabudanni. Sa spesa, chi est de stabbiliri segundu cantu est sa genti chi at a partecipai, no est a dónnia manera prus de € 95 a persona, e interessat su pullman, is abbísitas ghiadas e su pràngiu.
No est obbrigatóriu a presentai s’ISEE, ma chi si presentat serbit po abasciai su costu chi at a pagai su Comunu, desinunca is partecipantis ant a depi pagai totu issus.
Sa dii de gita si podit fai scéti chi si lompit assumancu a 25 partecipantis.
Su mollu de partecipatzioni si depit intregai aintru e no prus a tradu de s’08/09/2022, segundu is modalidadis e is documentus de alliongiai a marolla chi funt specificaus mellus in s’Avisu Púbblicu.
Po informatzionis: Ufítziu Servítziu Sotziali tel. 0707574705 int. 403
S’avisu púbblicu e su mollu de partecipatzioni funt disponíbbilis in alliongiau e in sa portineria de su Comunu.