SARDU

Comunu de Quartu Sant'Aleni: De su 11 a su 16 de Donniasantu 2019 est in programma sa de 6 editzionis de "Libriamoci. Giornate di lettura nelle Scuole" Su progetu nàsciu cun s'agiudu de su Ministériu de s'Istrutzioni, de s'Universidadi e de sa Circa e de su Ministériu de is Benis e is Atividadis Culturalis, interessat is scolas de totu Itàlia e is scolas italianas in s'Ésteru, de s'infàntzia a is scolas mannas. Sa tarea de sa proposta est sa de sémpiri: fai scoberri a is prus gióvunus sa bellesa de sa letura e sa capatzidadi straordinària de interessai cosa sua.

Quartu, ocannu puru, pigat parti a sa proposta. Su trabballu fatu imparis de s'Asessorau a sa Cultura, sa Biblioteca de Frúmini e s'Istitutu Cumprensivu Statali n.6, at permítiu difatis s'organizatzioni de s'acontéssiu chi previdit sa presentada e sa letura de su líbburu "Fiume Europa", de Andrea Atzori e Andrea Pau Melis, ed. "Einaudi Ragazzi".

S'atóbiu est lunis 11 de Donniasantu, a is 9,00 (noioras de a mengianu), in s'Àula Magna de sa scola média de bia Is Pardinas. S'autori, Andrea Pau Melis fueddat cun is piciocheddus de is crassis 3^, setzionis: A, B, C, D, E. Sa letura est a incuru de is studiantis, Cordina sa Professora Novella Falchi, referenti de "Libriamoci a Scuola 2019".