SARDU

Comunu de Carbònia: Crasi, mércuris 6 de Martzu, a is cincu de a merí (17,00), in sa Biblioteca de arburada Arsia, ddoi at un'atóbiu nou cun sa rassínnia "Carbonia Scrive", sa proposta de prumotzioni de sa scritura e de sa letura organizada de su Comunu de Carbònia imparis cun su Sbis (Sistema Bibliotecàriu Interurbanu de sa Maurreddia ).  Nc’est sa presentada de su líbburu de Claudia Mascia “Al di là dello specchio” chi contat sa stória de Jessi Briant, una picioca prus o mancu de 20 annus, apassionada de “Muay Thai”, una disciplina sportiva chi po issa rapresentat giai un’arrexoni de vida. Ma non scéti Jesse est afetzionada meda a sa sorrixedda, Juliet, chi prus de una borta at a curri a agiudai.

In “Al di là dello specchio” Jesse agatat is arrespustas e is sceras chi dd’abbisóngiant po agiudai e, in calincuna ocasioni, po sarvai is personas chi bolit beni. Sémpiri a conca arta, tenit coràgiu, fortza, determinatzioni e tirriat is ingiustítzias, Jesse fai biri chi non serbint  poderis stravanaus po essi un’eroi.

 S’autora, Claudia Mascia, est una studianti de 26 nàscia in Domusnoas.

Letora de fumetus e apassionada de su géneri “fantasy”, fintzas de piciochedda bisat de bessiri scritora. Unu bisu bessiu realidadi cun sa pubricatzioni de su líbburu “Al di là dello specchio”.