SARDU

Comunu de Carbònia: Cenàbara 12 de Abrili, a is cincu de a merí (17,00), in sa Biblioteca Comunali de viali Arsia, ddoi at un'atóbiu nou cun sa rassínnia "Carbonia Scrive", sa proposta de prumotzioni de sa scritura e de sa letura organizada de su Comunu de Carbònia imparis cun su Sbis (Sistema Bibliotecàriu Interurbanu de sa Maurreddia ). Nc'est sa presentada de su líbburu intitulau "Come un avvoltoio" de Giulio Nonnis. S'autori, un'ómini de prus de 80 annus, tenit sa mirada silena de chi est stétiu testimóngiu de is cambiamentus acontéssius in is dex'annus in sa comunidadi cosa nosta. E est própiu su sinnu de su cambiamentu unu de is motivus de fundu de su líbburu "Come un avvoltoio", innui s'autori contat stórias inténdias de sa boxi bia de medas protagonistas, diretus e indiretus, de sa stória de su bandiu Domenico Diana, tzerriau Dómini, bíviu in Nuxis in is primus de su Noixentus.

A sa presentada de su líbburu est presenti s'autori e, in rapresentàntzia de s'Amministratzioni Comunali, Sabrina Sabiu.