SARDU
Comunu de Carbònia: Sàbudu 13 de Abrili 2019, a is noioras mancu cuartu ("20,45), su Teatru Tzentrali de pratza Roma stràngiat su de dexi e úrtimu atóbiu de sa rassínnia de prosa e de dantza curada de su Cedac e de "Circuito Multidisciplinare dello Spettacolo Sardegna", cun s'agiudu económicu de su Comunu de Carbònia. In scena is misterius de sa vida e de sa morti contaus in sa cummédia "Tre sull'altalena" de Luigi Lunari, cun Assunta Piras, Carla Calabrò, Francesco Corgiolu, Loredana Marzeddu e sa regia de Dario Siddi.
Su spetàculu de Luigi Lunari proponit una situatzioni chi, in s'evolutzioni assurda cosa sua, nci tirat a s'industriali Tremarchi, a su prof. Saponaro e a sa politziota Bigonari conca a un'orizonti prus mannu de issus.
Is tres personàgius chi non scint nudda e non si connoscint e funt puru diferentis meda intra de issus, po nexi de una série de tzircustàntzias misteriosas, depint passai una noti totus imparis innui acontessint fatus stranus, si no adderetura miràculus berus e própius.
Intra de botadas, pungidureddas, letzionis de filosofia, barzelletas e arraexonamentus esistentzialis, is tres personàgius nci dda tirant fintzas a candu non brintat in scena una preséntzia femminina misteriosa cantu disabetada.