SARDU
Comunu de Carbònia: Crasi, gióbia 28 de Friaxu, a is cincu de a merí (17,00), in sa Biblioteca de arburada Arsia, ddoi at un'atóbiu nou cun sa rassínnia "Carbonia Scrive", sa proposta de prumotzioni de sa scritura e de sa letura organizada de su Comunu de Carbònia imparis cun su Sbis (Sistema Bibliotecàriu Interurbanu de sa Maurreddia ). Nc'est sa presentada de su líbburu de Salvatore Capra " Le calze di Timişoara". S'òpera ambientada in Sardigna in su 1972, in s'interis de sa cuntestatzioni studentesca, contat sa stória de duus piciocus cumpàngius de bangu in s'úrtimu annu de is magistrali: Valerio Del Rio, piciocu destinau a una vida de acunsentimentus, spintu e agiudau de sa famíllia benestanti, e Pietro, su cumpàngiu de bangu, narau Parallelo. Una stória de duus piciocus chi ndi benint de crassi sotzialis opostas, chi tenint is prenetas chi si ingruxant e si furriant. Unu spacau de stórias de vida chi si strogant afrontendi sa vida. Vidas parallelas chi si trogant a paris in una filera de acontéssius disabetaus.
S'autori, Salvatore Capra, nàsciu in Monterotondo in su 1956, immui bivit in Quartu sant'Aleni. Est funtzionàriu ténnicu anche unu dipartimentu de circa scientífica in sa Facultadi de Mexina de s'Universidadi de Casteddu. Apustis de su primu romanzu intitulau "Non dirlo a me", presentat in Carbònia su de duus líbburus cosa sua, intitulau "Le calze di Timişoara".