SARDU
Comunu de Carbònia: Su de tres apuntamentus cun su tziclu de atóbius “Educando-Scuola Permanente per Genitori”, chi ddus organizat s’Amministratzioni Comunali de Carbònia. Pustis de sa partecipatzioni manna de púbblicu chi ant tentu is primus duus apuntamentus, Lorenzo Braina at a torrai in su palcu de s’Arena Mirastelle, cun s’acumpangiamentu musicali de Donato Cancedda, gióbia su 20 de Meseargiolas a is 9 oras de a merii (21.00) cun su Reading Educadori intitulau “Lucignolo, la fata e il grillo parlante – Storia di un bambino senza radici”.
“Un’atóbiu interessanti innui Lorenzo Braina at a chistionai de argumentus atualis meda, contendi stórias de vida chi pertocant is raportus intra mammas e babbus e is fillus, spainendi, cun su stili suu deretu e pretzisu, sa cultura de sa cura educadora e de su rispetu de dónnia pipiu”, at nau su Síndigu Pietro Morittu. A custu atóbiu ant a partecipai mammas e babbus, maistus e educadoris.