SARDU
Comunu de Ballau: In Ballau is pipius de s’Istitutu Cumprensivu Statali “Edmondo de Magistris” faint una libreria a forma de mata de làndiri. Si narat “Sa Biblioteca de s’identidadi” su progetu prumóviu de is Amministratzionis Comunalis de Ballau e de Pauli Gerrei e progetau e cordinau de s’assótziu culturali “Malik” chi, de Meseladàmini, interessat coranta studiantis de s’Istitutu Cumprensivu Statali “Edmondo de Magistris”. E si, de una parti, is pipius creant is cuntenutus de is líbburus de sa memória a inghitzai de is contus de is ajajus e de is antzianus de is comunidadis cosa insoru, is scritus bibliogràficus e is videus documentàrius, de s’àtera, faint is líbburus e sa libreria cun sa lana de brebei sarda e materiali de retziclu. Su labboratóriu pigat a modellu su métodu Bruno Munari, chi narat chi su pipiu, in s’imparu, si ascurtat scarescit, si bit arregordat, si fait cumprendit. In manera spassiosa, creativa, diferenti e ligera is studiantis fissant e sarvant de sa scarescidura cuntzetus didàticus de importu e pretziosus, sarvendi in su matessi momentu sa memória de totus.
Sa libreria tenit sa forma de una mata seculari, su làndiri, chi simbolizat sa stória de Ballau e de Pauli Gerrei: is arreixinis rapresentant sa memória, is follas su presenti e is frutus su benidori.
Est possíbbili sighiri su trabballu artísticu e de circa de is piciocheddus in su “blog” dedicau a su progetu: https://lanostrabibliotecablog.wordpress.com/