SARDU
Comunu de Santadi: Sa de 55 editzionis de sa Coja Maurreddina de Santadi est torrada ocannu a sa data sua stórica (su primu domínigu de Austu) e si fait in tres diis: su 4, su 5 e su 6 de Austu 2023. Custa manifestatzioni est unu de is acontéssius chi prus s’abetant in totu sa Províntzia de su Sud Sardigna. Difati est sa manera de tzelebrai sa coja traditzionali chi si fait imperendi sa língua sarda, e chi si fait apustis chi su corteu nutziali at camminau unu bellu tretu acumpangiau de su sonu chentza de tempus de is launeddas, de is tracas, de is cuadderis e is grupus folk chi ndi benint de su Sulcis e de dónnia logu de Sardigna.
Programma:
Cenàbara su 4 deAustu 2023
A is 8 e mesu de a merii (20.30) – Pratza Marconi
“Is sposus si contant”. Presentat Luca Sarriu de sa Coop. Semata
Presentada de su libru “Su fueddu Cantau” de Rita Rossino (mutetus apitzus de s’amori e su sposalítziu). Ciaciarrat cun s’autora s’Assessora a sa Cultura de su Comunu de Santadi, Veronica Impera.
Intregu de sa tesi de làurea de Elisabetta Mattia apitzus de sa Coja Maurreddina, paris cun s’Assessorau a sa Cultura de su Comunu de Santadi
A is 10 de noti (22.00) – Pratza Marconi
Cummédia in língua sarda “Is Sorris Macas”. Tzírculu Anspi Santa Maria d’Itria - Cumpangia Teatrali Su Pranu de Portescusi.
Sàbudu su 5 de austu 2023
A is 9 oras e mesu de a merii (21.30) – Pratza Marconi
Maria Luisa Congiu in cuncertu
Domínigu su 6 de Austu 2023
A is 7.00 de a mengianu – Museu Etnogràficu Sa Domu Antiga – Bia Mazzini
Ritu de sa Bistidura de sa Pobidda e de sa Famíllia sua a incuru de su Grupu Folk Sant’Agata de Santadi e de sa Cooperativa Semata
A is 7.00 de a mengianu – Domu Museu Sa Domu ‘e Paxi - Bia Umberto I
Ritu de sa Bistidura de su Pobiddu e sa Famíllia sua a incuru de su Grupu Folk Sant’Agata de Santadi e de sa Cooperativa Semata e de sa Domu Museu Sa Domu ‘e Paxi
Agoa Emanuele Garau presentat su Corteu e sa Tzelebratzioni de su Sposalítziu
A is 9 oras de a mengianu – Istitudu Agràriu – Bia Cagliari
Partit sa sfilada de su corteu nutziali innui partétzipant is grupus folk, is tracas, is launeddas e is cuadderis, autoridadis e su pobiddu cun sa famíllia sua.
A is 10 mancu cuartu de a mengianu – Museu Etnogràficu Sa Domu Antiga – Bia Mazzini
Su pobiddu e su corteu atóbiant sa pobidda
A is 10.30 – Pratza Marconi
Is Síndigus de Santadi, Nuxis e Villaperuciu (chi antigamenti fiant unu comunu scéti) stràngiant is sposus.
A is 11.00 – Pratza Marconi
Si tzelebrat sa Missa cun partis in Língua Sarda, sighit su ritu de Sa Gràtzia. Tzelebrat sa coja Don Fulvio Sanna. Alentat sa liturgia Sandro Ligas.
A is 8 de a merii (20.00) – Pratza Marconi
“Su Cumbiru”, chi faint is pobiddus a sa bidda cun sa truta de sa coja, drucis traditzionalis e cosa de bufai.
A is 9 oras de a merii (21.00) – Pratza Marconi
Baddus e cantzonis de sa traditzioni innui partétzipant fintzas is grupus folk e cantat Emanuele Garau, acumpangiau de is musicistas de s’assótziu culturali Memorias.
Presentat Emanuele Garau