SARDU
Comunu de Biddacidru: Apustis de is Seminàrius de Cantu, Música e Dantza Populari chi andant in scena in Portescusi de su 25 a su 30 de Làmparas 2019, "Mare e Miniere" aberrit su programma musicali de sa de 12 editzionis cun su progetu speciali "Surfaro e Focu. Vite Sottoterra" de Mario Incudine chi andat in scena mércuris 3 de Abrili 2019, in su Teatru de s'Oratóriu San Giovanni Bosco, a is ses e mesu de a merí (18,30).
Su cantautori e circadori de Enna contat in sa manera cosa sua su fadiori, sa lota, sa preneta butus de nieddu de tanta, meda genti chi po binci sa miseria at biviu su scuriu de is minieras de tzúrfuru .
Su púbricu torrat a costruiri sa stória e is costumus, torrat a scoberri is arreixinis cosa sua e de is pópulus fradis, ghiau de su contu e de is fueddus in música chi arremonant is stragus chi funt stétius nexi de de sa morti de genti meda. Vida chi bessit morti in is stórias de is disterraus, sémpiri diferentis epuru sémperi aguallis in su tempus, ariseru asutaterra, oi asutamari. De Grottacalda a Tallarita, de Gessolungo a Marcinelle protagonistas funt is stórias interradas, chi ant abbitau is gallerias de is tantis minieras in Sicília e a foras. Stórias chi depint essi torradas a portai a pillu. Stória de scampu e identidadi scampada.
S'intrada de Biddacidru in su tzircúitu de "Mare e Miniere" dda cunfirmat su cuntzertu sacru "Boxis po Pasca Manna" chi andat in scena martis 16 de Abrili, a is seti de a merí (19,00) in sa crésia de Santa Barbara. Frutu de unu camminu logu de circas asuba de is cantus de sa Cida Santa in Sardigna, sa rapresentatzioni girat aroru a músicas e arrangiamentus originalis, impretziosidas de una parti literària curada de Maria Gabriella Ledda chi afundat is arreixinis cosa sua siat in is rapresentatzionis sacras de oríginis sardu-spanniolas siat in creatzionis originalis afidadas a poetas de is tempus nostus.
Potagonistas de sa serada funt: Elena Ledda (boxi), Simonetta Soro (boxi), Mauro Palmas (liutu cantàbbili, mandolontzellu), Marcello Peghin (ghitarra), Silvano LObina (Bàsciu), Alessandro Foresti (òrganu) e "Su Cuncordu 'e su Rosàrio de Santulussurgiu".
Sa rassínnia
"Mare e Miniere 2019" ddu organizat Elenaleddavox cun s'agiudu de: "Fondazione Sardegna"; de sa Regioni Autònoma de Sardigna - Assessorau de s'Istrutzioni Púbrica, Benis Culturalis, Informatzioni, Spetàculu e Sport; de is Comunus interessaus; de Sardinia Ferries; de "Blogfoolk" e de su "Giornale della Musica". Sa Diretzioni artística est de Mauro Palmas.
Cuntatus
elenaleddavox Associazione Culturale
elenaleddavox@gmail.com
Giassu Ufitziali
www.mareeminiere.it
www.mareeminiere.com
Sighisí
www.facebook.com/mareminiereofficial/
https://twitter.com/mareeminiere