SARDU

Comunu de Biddanoa de Forru: Mércuris su 1 de Martzu a is 9 oras e mesu in s’Arburada “Dei Carrubi” torrat s’apuntamentu cun sa Giorronnada de s’Annestu, lómpia a sa de 6 editzionis suas. S'initziativa est un’ocasioni po imparai sa pràtica de s’annestu apitzus de is matas de frutu, gràtzias a s’agiudu pretziosu de is spertus chi nd’ant a spricai sa tenta, is técnicas e is segretus. A mengianu s’ant a prantai matas portannestu noas chi ant a serbiri in is annus chi ant a benni.  

A sa giorronnada, chi at organizau sa Cumpangia de is Barracellus e sa Pro Loco Biddanoa de Forru paris cun sa sienda agrícula locali “Sa Laurera” e su Comunu de Biddanoa de Forru, ant a pigai parti puru s’Istitudu Cumprensivu Mara Arbarei e sa scola parentali de s’Assótziu "Semi di Quercia".

Podint partecipai totus is chi funt interessaus a s’acontéssiu. Po tenni novas in prus tocat a tzerriai a su nύmeru 3383485279