SARDU

Comunu de Gùspini: Fonti:"La Gazzetta del Medio Campidano": Sa Pro Loco, cun is gióvunus suus, su patrocíniu de su Comunu e in collabboratzioni cun is atividadis cummercialis, pigat parti a sa Festa Europea de sa Música aparicendi una serada dedicada a sa mùsica, innui artistas medas s’ant a cambiai s’unu cun s’atru arregalendi esibitzionis de mùsica rock, rap, pop e dance in is bias e in is pratzas de sa bidda.

S’acontéssiu, nàsciu po torrai a portai sa música in mesu de sa genti pustis de tempus meda de pàsiu e de mudori po mori de sa situatzioni sanitària de is úrtimus duus annus, si fait cenàbara su 17 de Làmpadas de is 6 de a merii fintzas a mesunoti.

S’acontéssiu interessat sa mesubidda ma sa periferia puru, a manera de stichiri in mesu totus is bixinaus. Intra is logus scioberaus ddoi funt is pratzas XX Settembre, Don Michele Pinna (connota cumenti a “Zampillo”), Nadia Spanu e pratza dei libri, e is bias Gramsci, Tevere, Sassari, Anna Frank e Matteotti, e is giardinus púbblicus Joyce Lussu.