SARDU
Comunu Carbònia: Sa candidadura de Carbònia a Capitali Italiana de sa Cultura 2021 est un’ocasioni de importu chi donat prestígiu a sa tzitadi cosa nosta a livellu regionali e natzionali. S’atentzioni de is médius de comunicatzioni est forti. Ddu cunfirmat puru sa preséntzia de unu grupu de su “Tg3 Sardegna”, chi cenàbara 31 de Gennaxu trasmitit in direta de Pratza Roma, a is seti e mesu de a mengianu (07.30), sa puntada de “Buongiorno Regione”.
Po fueddai de is motivus, de sa stória e de is possibbilidadis de sa tzitadi de Carbònia cumenti a candidada a su títulu prestigiosu de Capitali Italiana de sa Cultura 2021, su giornalista Simone Lupo Bagnacani intervistat sa Sindaghissa Paola Massidda e su diretori de su Tzentru Italianu de sa Cultura de su Carboni (CICC) Mauro Villani.
Cumbidaus totus a si sintonizai a Rai3 e, po chini fait, a essi presentis in Pratza.