SARDU
Comunu de Biddacidru: Fonti: "La Gazzetta del Sulcis Iglesiente": Sabudu 16 de argiolas 2022, h. 19:00 (seti de a merí), in su Museu MAGMMA de Biddacidru nc'est sa finali de su Prémiu Marchionni, cuncursu chi interessat a is artistas de totu su mundu, nàsciu po arregordai a Dino Marchionni, intzisori de primori e insennianti de educatzioni artística chi in su 1954 iat lassau Urbino po insenniai in Biddacidru, innui abarrat fintzas a sa morti.
Ocannu est su de 90 annus de sa nàscida de Dino Marchionni e sa serada de sàbudu est puru s'ocasioni po ammostai unas cantu òperas inéditas de s'artista nàsciu in Urbino ma chi Biddacidru at pigau a fillu de ànima.
S'initziativa de est de su MAGMMA – Museo d'Arte Grafica del Mediterraneo Marchionni chi tenit sa sea in su Palàtziu de s'Obispu in bia Vittorio Emanuele n. 15 in Biddacidru e chi, cun s'organizatzioni de sa "Fondazione Estetica & Progresso" e s'agiudu de sa "Fondazione di Sardegna", punnat a prumovi e avalorai s'arti gràfica cuntemporànea.