SARDU

Comunu de S'Alighera: Sa Soprintendéntzia po Sant'Imbénia favorèvoli a s'impreu de su catalanu de Algheru. Su Síndigu Mario Conoci: "arrisultau de su diàlogu intra istitutzionis e arrispetu de is ruolus"

“Nisciuna dificultadi a èssiri favorévolis a una integratzioni de is pannellus cun su Catalanu de Algheru a Sant’Imbénia”. Su Soprintendenti Prof. Arch. Bruno Billeci at nau a su Síndigu de Alghero Mario Conoci s’intentu cosa sua po su chi pertocat a sa parti informativa de s’àrea archeológica de sa villa romana e a sa gosadura púbblica cosa sua. In su mesi de idas passau, su Soprintendenti no iat autorizau s’impreu de su catalanu de Alghero in sa cartellonística, e ndi fiat sighiu unu rilievu po sa chistioni de parti de su Síndigu de Algheru.

“Comenti est connotu de totus cussus ca ant collaborau a sa redatzioni de is pannellus – at scritu su Soprintendenti archeológicu artis bellas e paesàgiu me is dis passadas – sa scera de s’italianu e de s’inglesu fiat stétia concordada po esigéntzias de lestresa bius is tempus fissaus e biu s’imboddicamentu ativu e fativu de sa Soprintendéntzia.”

Su Sìndigu Mario Conoci pigat a cunsideru "cun prexeri ca su diàlogu intra istitutzionis impari a s’arrispetu po is ruolus rispetivus at portau in custa ocasioni a tutelai tanti unu beni archeológicu fundamentali po sa stória de su territóriu cosa nostra cantu su patrimóniu immateriali rapresentau de su catalanu de Algheru, beni ca minescit a sa própriu manera de tutela e poita est identificativu de sa cultura de sa comunidadi cosa nostra. Torru gràtzias po custu a su Soprintendenti".