SARDU

Comunu de Santu Èngiu: Fonti: "La Gazzetta del Medio Campidano": Sàbudu su 22 a is noi oras de a merì, in su Teatru Comunali de Santu’Èngiu, in bia Dante, po sa rassinna Cedac, su Ballettu de Siena at a portai in scena “I temperamenti dell’amore”, ballettu clàssicu in cuatru cuadrus cun sa regia e coreogràfia de Marco Batti. Is protagonistas ant a essi: Elena Badalassi, Melvin Boschat, Matilde Campesi, Ramon Cenera Castano, Filippo del Sal, Chiara Gagliardo, Giuseppe Giacalone e Elena Iannotta. Mùsica de Ludwig van Beethoven, bistiris de Jasha Atelier. Dònnia cuadru at a tenni unu colori e unu sentimentu diferenti, s’arrùbiu po s’amori ideali; su murru po s’amori lìberu; su colori de celu rapresentat s’amori impediu e su birdi pertocat s’amori chi no si podit realizai. Unu viàgiu me is sentimentus cuntrastaus; unu biaxi, duncas, in sa vida cun totu is gireddas suas. De su restu su tretu nostu in sa terra non s’acumprit forsis cumenti unu parcu de giogus? E nosu totus seus artziaus in sa giostra, assumancu una borta. Custa borta ddu eus a fai in teatru, agiudaus me is movimentus nostus de sa mùsica de Beethoven.

Po prenotai e po ndi sciri de prus podeis telefonai a su nùmuru: 340 4041567