SARDU

Comunu de Sant' Èngiu: Fonti: "La Gazzetta del Medio Campidano": Avalorai su teatru in lìngua sarda interessendi is cumpangias de atoris de su territòriu ma puru cussas prus atesu. Aici sa de dexi rassinna teatrali de Santu ‘Èngiu, organizada de sa cumpangia Muredda, at otènnidu una resessida manna cun su contributu de s’assessorau a sa lìngua sarda de su Comunu e in collaboratzioni cun sa Fita (Federatzioni Italiana Teatru Amatoriali) Sardigna e sa Pro Loco. Sa rassinna est anadat beni meda siat po sa genti chi at partetzipau siat po su spàssiu chi at donau, a pustis de duus annus de pàsiu po crupa de sa pandèmia. Sa manifestatzioni, formada de ses spetàculus, at ospitau sa cumpangia Su Spassiu de Seddori cun sa cummèdia “Mancai travessus sempri fillus funt” de Antonio Figus, “Sa Sigunda Dipartida” de Tonina Fois rapresentada de sa cumpangia Chen’e Sentidu de Santu’ Èngiu, sa cumpangia Sacro Cuore de Cuartu cun sa cummèdia “Fiuda de guerra” de Pierluigi Ibba e “Contus de Mena” adatamentu de Lucia Serpi de sa Filodrammàtica Guspinesa mentris sa Cumpangia Marmidda de Ussaramanna at presentau sa cummèdia “Genti macca in logu strintu” de Ignazio Atzei. Sa rassinna dd’ant serrada in sa Domu Mereu po contu de sa cumpangia Muredda de Santu’Èngiu cun sa cummèdia “Sa pingiada” de Lorenzo Argiolas. Prexada meda de sa rassinna puru s’assessora a sa lìngua sarda Giusy Chessa, chi at sempri partetzipau a is spetàculus in programma.