SARDU
Comunu de Sàrdara: Fonti: Kalariseventi.com. Ocannu Sa Festa de su Binu Nou lompit a sa de 14 editzionis e, aprofitendi chi sa Festa de s'Immaculada arruit de domínigu, si fait su 7 e su 8 de Meseidas 2019. Sa manifestatzioni chi pertocat sa produsidura de su binu e de sa cosa de papai est dedicada a su binu nou de is produtoris localis, chi benit spartzinau fintzas a acabbai.
Medas is acontéssius culturalis su sàbudu a merí e is tastaduras in sa dí de domínigu, candu a s'intrada de s'àrea de sa festa e in is puntus de ristoru de is assótzius, est possíbbili comporai sa tassa po partitzipai a sa tastadura de totus is binus chi ddoi funt in sa manifestatzioni (a parti su chi spartzinant is rapresentàntzias de is cantinas).
Ma in programma ddoi at música, cuntzertus, leturas, cantus, baddu sardu, dantza, magioretas, artesanus, labboratórius, ammustas, artistas e torrat puru su "Tour dei Presepi de is Bixinaus", binu e cosa de papai locali bona cun is pietantzas de sa traditzioni spartzinau de is Assótzius de Sàrdara.