SARDU
Comunu de Scalepranu: Cuncursu natzionali "Scrittori di classe"
Sa Scola de Scalepranu bincidora de sa de 5 editzionis de "Scrittori di Classe", cuncursu natzionali de scritura creativa po is scolas primàrias e segundàrias de primu gradu de totu Itàlia in su cuntestu de su progetu "Insieme per la Scuola".
Ocannu "Scrittori di Classe - Salviamo il pianeta" presentat un'argumentu de is tempus de oi e inténdiu in manera particulari, cun unu testimóngiu nodiu: Geronimo Stilton, su topi giornalista, apretziau de is pipius de totu su mundu! Su progetu, pentzau de Conad cun s'agiudu de su WWf, at permítiu a is classis partitzipantis de si acostai in manera spassiosa e strumbuladora a is grandus baloris de s'ecologia e de su respetu po sa natura, cumprendendi s'importu de amparai su pianeta innui biveus po médiu de unu camminu didàticu intreu e svilupau in is partis cosa sua fatu de "Editrice La Scuola".
- A su cuncursu si funt iscritas 10399 scolas de totu s'Itàlia
- 25172 funt intamis is classis chi ant pigau parti a su cuncursu
- 80 is classis finalistas in is argumentus diferentis de s'ecologia e de su respetu po sa natura.
Is piciocheddus de sa primu classi de sa scola segundària de primu gradu de Scalepranu, at partitzipau a su tema Clima, energias límpias e rispàrmiu energéticu intitulau "Ahi ahi ahi!, est acabbada s'energia". Sa classi at svilupau s'argumentu de su rispàrmiu energéticu e de su consumu cuscienti cun s'aprofundamentu de argumentus cumenti a s'amparu de s'ambienti, is fontis rennovàbbilis e susteníbbilis.
Sa stória at agatau cumentisisiat bideas partendi de sa realidadi, calincuncuna borta, difatis, in Scalepranu puru est mancada sa currenti elétrica! Diaici est nàscia parti de sa stória e diaici ant portau a cumpridura cun su contuconclusivu chi fortzis, si sperat, potzat donai un'agiudixeddu a sarvai su pianeta.
Su contu est stétiu s'únicu finalista intra de totus is scolas de sa Sardigna. E sa classi 1^ D1 de sa Scola segundària de I gradu de Scalepranu est stétia sa bincidora de su cuncursu "Scrittori di Classe" - Salviamo il pianeta, po s'inghitzu "Ahi ahi ahi! est acabbada s'energia!
Sa classi in prus de su prémiu e de sa satisfatzioni de biri su trabballu cosa sua fatu a líbburu, depit passai una dí in cumpangia de Geronimo Stilton in persona! sa fotografia de sa classi dda pubricant in sa cobertina de su líbburu.
Sa premiatzioni si fait in Scalepranu su 18 de Friaxu 2019, in sa sala de su Consillu de su Comunu, a inghitzai de is dexi de a mengianu (10,00). A s'acontéssiu pigant parti is classis de sa scola segundària de Scalepranu, is insenniantis, Geronimo Stilton, is promotoris de su cuncursu natzionali e su WWF chi ammostant is motivus de su prémiu e ddu donant a is giovunus scritoris