Seddori. Aberrit sa "Casa della Musica" in su Parcu de s'Arei.

13.12.2019

SARDU
ITALIANO

SARDU

Comunu de Seddori: Fonti: La Gazzetta del Medio Campidano: Su 7 de Meseidas 2019 est stétia incingiada sa "Casa della Musica", unu logu dedicau a is amantiosus de su setori, in su Parcu de S'Arei. Sa "Casa della Musica" torrat a pigai colori cun sa gestioni noba, proponendi a is musitzistas e cantantis, professionistas e non, unu logu innui podi sonai e registrai is cantzonis e is videus musicalis cosa insoru. Sa domu de sa música tenit una sala provas e una sala regia, giai cumpletas de totus is ainas: una bateria elétrica, tastieras, amplificadoris po bassu e ghitarra, micrófonus, "mixer", computer e intra de pagu tempus unu "green screen" puru;ativu puru unu mercadeddu musicali, "cómpuru, circu, cuncàmbiu", una manera po bendi e po comporai strumentus e materialis musicalis ma pruschetotu po si candidai, circai e agatai personas po sonai imparis o cumponentis de unu grupu. Cumenti sutaliniat Nicholas Pilloni, su ténnicu chi dda gestiscit, bolit essi unu logu innui fai cresci sa cultura musicali locali, e prus in generali unu puntu de arrelatu po is artistas: "Su fueddu Casa/Domu bolit donai sa bidea de unu logu arritzidori, innui si trabballat in amigàntzia e innui totus funt is benibenius. Sa Domu de sa Música est una perdixedda pitica chi mi ndi seu bogau de sa crapita, seu prexau de ai torrau a pigai custa bidea e de dda ai pótzia fai bessiri una realidadi. Unu bisu piticu chi apu cumpartziu cun unu amigu chi est mortu, Alberto Piseddu, e totu custu est in onori cosa sua".

ITALIANO

Comune di Sanluri: Fonte: La Gazzetta del Medio Campidano: È stata inaugurata il 7 dicembre la Casa della Musica, uno spazio dedicato agli appassionati del settore, nel verde del parco S’arei. La Casa della musica riprende colore con la nuova gestione, proponendo a musicisti e cantanti, professionisti e non, un luogo dove poter suonare e registrare le proprie canzoni e i video musicali. È composta da una sala prove e una sala regia, già complete di strumentazione tra cui una batteria elettrica, tastiere, amplificatori per basso e chitarra, microfoni, mixer, computer e presto un green screen; attivo anche un mercatino musicale, ”compro, cerco, scambio”, un modo per vendere e comprare strumenti e materiale musicale, ma soprattutto per candidarsi, cercare e trovare persone con cui suonare insieme o membri per una band. Come sottolinea Nicholas Pilloni, il tecnico che la gestisce, vuole essere un luogo dove far crescere la cultura musicale locale, e più in generale un punto di appoggio per gli artisti: «La parola ”casa” vuole dare l’idea di un posto accogliente, dove si lavora in amicizia e dove tutti sono i benvenuti. La casa della musica è un piccolo sassolino che mi sono tolto dalla scarpa, sono contento di aver ripreso questa idea e di aver potuto farla diventare realtà. Un piccolo sogno che ho condiviso con un amico che è scomparso, Alberto Piseddu, e tutto questo è in suo onore».