SARDU
Comunu de Seddori: Ocannu puru non podiat ammancai s'atóbiu cun "Monumenti Aperti", chi in Seddori si fai su 4 e su 5 de Maju 2019.
Sa formula non cambiat: s'abertura de is monumentus de prus importu e de is museus po permiti a is stràngius de connosci e apretziai is bellesas culturalis de sa bidda: innantis de totus su Casteddu e su Museu de su Pani ma puru is crésias caraterísticas e is pratzas chi contant arrogus de stória cumenti a Pratza VII Agosto 1881. In totu sa bellesa de 14 monumentus intra de museus, crésias e logus chi contant un'arrogu de stória seddoresa e sarda.
Ciceronis de etzetzioni is studiantis de is scolas de sa bidda e is assótzius.
Intra de is manifestadas parallelas nci funt: s'ammosta de pintura "Diario di bordo: dai pastelli all'acrilico" chi si fait in sa Domu de su Pani e s'ammosta de sculpiduras de paperi chi rapresentant is logus prus sinnificativus de Seddori de su títulu "La città di carta".
Is puntus de informatzioni s'agatant in su pratzali ananti de su Casteddu e aintru de su Casreddu etotu.
Is monumentus si podint bisitai:
sàbudu 16,00 - 20,00 (de is cuatru fintzas a is otu de a merí)
domínigu 9,00 - 13,00 (de is noioras de a mengianu fintzas a sa una).